KOREAN FESTIVAL HNAM BORAL ZIA - MZP PRESIDENT

MIZO ZIRLAITE CHU CHING TAWH LO TURIN LEH TI TAWH LO TURIN KA CHAH DUH CHE U A NI - L. Ramdinliana Renthlei, President MZP


MZP PresidentMZP PRESS RELEASE: Vawiin ni 15th January 2019 hian MZP General headquarters Office chu a duh a piang tan dawr theih turin Pisapui hawnna hun hman a ni. He hun hi Pu B. Vanlaltana Vice President MZP chuan a kaihruaia , Pu Lalnunmawia Pautu; General Secretary chuan kum 2019 chhunga pawl hmalakna leh hmachhawp te report a pe a, kum 2019 chhunga MZP tluang taka a kal theih nan Pu H. Hrangkunga’n Pathian hnena hlanna huna hmang bawk a ni. Tin he hunah hian President leh Adviser ten thu an sawi an sawi bawk.

He huna thusawitu Tv. L. Ramdinliana Renthlei MZP President chuan, "MZP in kumin a kan hmalak chho na turah chuan Mizoram Sorkar enkawl school hrang hranga zirtirtu indaihlo lutuk siamrem a nih theih nan hma kan la dawn a, a bikin Thingtlang lama zirtirtu nei tlem ten zirtirtu thahnem zawk an neih theih nan hma kan la dawn a ni. MZP chuan zirtirtu indaih lohna hi zirtirtu neih tlem vangah kan ngai lo a, zirtirtu awmsa semrual loh vangah kan ngai a. Zirtirtu semrual a nih theih nan hma kan la dawn a ni. Kan Pi leh Pu ten an thlah kal zel turte chenna atana min lo sahzauh sak sa kan ram chu tunah hian kan chan zel a, kan ramri humhalh a, kan ram chin dik tak kan neih letleh theih nan hma kan lak chhunzawm zel dawn a. Hemi hmalakna atana pawimawh tak pakhat Bairabi Zophai hmunah Zofate Chawlhbuk sak a nih theih nan kum a thar angin kan hmalakna kha kan chhunzawm thar leh dawn a ni."a ti a.

ENG ANG PAWN IN LA KOREAN MAHSE MIZO A NIHNA A BO CHUANG LO A, HNAM BORAL ZIA A NI


L. Ramdinliana Renthlei chuan, "Tunhnaiah Mizo Thalai thenkhat ten Festival phuahchawp Korean Festival te kan hmang ta a, Korean sam angin kan sam kan chei a, Korean Kawr leh Kekawr hak ang te kan ha a, eng ang pawn in la Korean mahse Mizo a nihna kha a bo chuang lo a, hei hi a zahthlak hle a, mahni hnam hmuhsitna leh mahni hnam ngaihnepna a ni a, khawvelah hian mahni hnam nun zahpui leh mahni hnam zia ngainep te hi miropui an awm ngai lo a, hei hi hnam boral zia a ni. Hetiang hi Mizo zirlaite chu ching tawh lo turin leh ti tawh lo turin ka chah duh che u a ni." a ti bawk.

MZP Adviser Pu C. Lalrokhuma chuan ‘‘Sairanga rel lo lut tur hi MZP ten kan zir chian a ngai a,hnamdang mi tam tak an lo lut dawn a ni. Chu chuan kan khawpuiah hian hnam dang tam tak a rawn chaw lut dawn a, hei hi MZP te chuan kan lo zir chiana, kan hnam kanhimna tur ngaihtuahin invenhimna dan kan ngaihtuah a, dan khauh taka kan lehkawh theih nan leh mumal taka a kal theih nan MZP ten hma kan lo la tur a ni.’’ a ti.

Source: ROTHANLIANA, Secretary i/c Publicity

Post a Comment

0 Comments