PU C. LALRINSANGA'N MUCO BANK SERVER A HAWNG

PU C. LALRINSANGA'NCO-OPERATION DEPARTMENT MINISTER

 PU C. LALRINSANGA'N MUCO BANK SERVER A HAWNG



CHANCHINTHAR Dated: 15.01.19: Vawiin khan Co-Operation Department Minister Pu C.Lalrinsanga'n Mizoram Urban Cooperative Development Bank Limited (MUCO) Bank Server cheng nuai 35 senga din chu hawngin, a vawi khatna at├óna MUCO bank-in an buatsaih ATM Debit Card a tlangzarh nghal bawk.

He hunah hian Minister Pu C.Lalrinsanga chuan MUCO bank chu sawrkar hmasa lama a lo enkawl tawh, harsatna tam tak paltlanga vawiin thleng thei an nih thu a sawi a. He bank hi Reserve Bank of India (RBI) in khar tura a hriattir hnua sawrkar in nasa taka a siam that a ni tiin, tun dinhmun an thleng thei hi lawmawm a tih thu a sawi a ni. Cooperation Department enkawltu Minister chuan MUCO Bank-a hnathawkte pawh an sum lakluh (Profit turn over) a that anga an hlawh tihsan theih ni se a duh thu a sawi bawk a, kalkhawmte chu an hmazawn theuh a, Mizoram hmasawnna atana ke pen turin a chah a ni.

CEO Pu James Hruaitluanga'n technical report a pe a ni. ATM Debit Card hi he bank dawrtu mi engemaw zat hnenah semchhuah a ni bawk a ni.

Vawiina tlangzarh ATM Debit Card hi India ram hmun hrang hranga ATM Booth-a hman theih tur a ni a, Reserve Bank of Inida (RBI) duh dan ang thlapin Chip base a siam a ni a, he card hmang hian thlakhat ah vawi-5 chawi awm lovin ATM Booth atang pawisa a lak chhuah theih dawn a , a bak chu Rs 20/- chawiin a hman theih ang. Vawi khatah he card hmang hian Rs 40,000/- a lak chhuah theih dawn a ni. MUCO Bank hian server an neih tak avang hian anmahnia dawrtute banking lama harsatna an tawh chuan a rang thei ang berin chinfel sak an ni thei tawh dawn a ni. ~ Ramtea Chhangte 

Post a Comment

0 Comments