MIZORAM TAN ALL INDIA SERVICE SEPARATE CADRE NEIH DÀN TUR & ZOKHAWSANGA ASSAM RIFLE SAWN DAN TUR CHUNGCHÂNGAH CM-IN UNION HOME MINISTER HMU
Dated: 15.01.19
Delhi-a châm mêk Chief Minister Pu Zoramthanga chuan vawiin chawhma khan Union Home Minister Pu Rajnath Singh chu hmuin thu pawimawh a sawipui a. Chung zingah chuan Mizoram tan All India Service seperate cadre neih dan turte, Zokhawsanga Assam Rifles sawn tur chungchang te a tel a ni. Chawhnu lamah Chief Minister hian National Disaster Management Authority tlawhin, memberte'n kokim takin an lo dawngsawng a. Hunthar lei tla hniam lai siamthat hna rang taka thawh a nih theih nân a hmunah expert team kâr khat chhunga lo kala, hnathawh dan tur tifel tura ruahman a ni a, Mizoram hmun hlauhawm dang siamthat dante pawh an sawi nghal a ni.
Chief Minister hi Sports & Youth Services Minister Pu Robert Romawia Royte, Principal Secretary, Finance, Pu Lalnunmawia Chuaungo, Chief Engineer, PWD Pu K. Lalsawmvela leh Addl RC, Delhi Pu David Lalthantluanga ten an tawiawm a ni. - Angaih Fanai
Post a Comment