CHAWNGTLAI, PHAIVENG PRESBYTERIAN KOHHRAN IN KUMTHAR RUAI INRINNI THLENG NAWN
KUM THAR LAWMNA: Mizorama Lungphun sangber phuntu,, Chawngtlai Phaiveng,Presbyterian kohhran chuan Pathianah harhtharna nasa tak an kohhran members ten an chan avangin, 2019 Kumthar lawmna ruai, thawhlehni atang a theh tanin,ruai hi kartluanin(Saturday thleng) an nawn a ni.
Chawngtlai Phaiveng,Preby. Kohhran hian, nikum December thla tir khan,Synod Revival Speaker, Tv. Henry Lalhmingthanga, Knigh for Christ team te chu ruaiin, Camping hlawhtling tak an buatsaih a, Kohhran mipuite ah harh tharna ropui tak thlengin,kum tam tak Biakin kawng zawh ngai tawhlo ten Pathianah harhtharna nasa taka an chan avangin, Kohhran hruaitute an lawm hle a. Pathian hnena lawmthusawi nan, Phaiveng Kohhran din tan atang a la tih ngai hauhloh,Kumthar lawmna tisa lam ruai vawi li lai an nawn phah ta a ni.
KUMTHAR LAWMNA HMANG REI BER CHAWNGTLAI, PHAIVENG PRESBYTERIAN KOHHRAN
Kumthar ruai hi dt.2.1.2019 khan Lawi leh vawk hmangin an theh tan a, Dt.3.1.2019 khan a vawihnihna atan Lawi leh vawk bawk hmangin an nawn leh a. Vawiin Dt.4.1.2019 hian Lawi hmangin a vawithum na atan an nawn leh bawk a, vawiin Dt.5.1.2019 Inrinni hian Vawk hmangin a vawili na atan kumthar ruai hi an nawn leh bawk a ni.
Hetiang a kumthar ruai nawnna tur atan hian Kohhran members thahnemngai zual ten, Krismas Committee ah vawili lai ruai nawnna tur daih hi an thawhkhawm ta a ni. An rinphak baka tam ruai nawnna daih an thawhkhawm theih avang hian, ruai nawnna tur atan a pawisa thawhtu mipuite chungah leh Pathian chungah, Kohhran chuan lawmthu a sawi mawlh mawlh a ni. @ Johntea Pachuau
Post a Comment