MAFAA HAUHNAR vs REV CHUAUTHUAM PACHUAU - TIMES OF MIZORAM

Post Top Ad

7 Jan 2019

MAFAA HAUHNAR vs REV CHUAUTHUAM PACHUAU

MAFA-A KHA ALA THI RENG RENG LO

Mafaa Hauhnar

Ropuina te, chawimawina lallukhum te, khum turin pa ang chhungah a chawl lawk mai a ni.

He lei anchhe dawnga natna leh taksa thihna ten i tisa ti boral in, mi hausa leh Mirethei misual leh mifelte thliar hrang ngailo tu awm lai lunglian hian i taksa lei hnuai ft 6 hnuaiah zal tir che mahse, enteh ka pu zahawm, i chanchin hnaisailo taka an ziahna chanchinbu phek leh a ziaktu thu chhuak hawihhawmna phen a thu dawrawm tak chu anla hal duai duai anih chu.

I hming erawh chu i mipat pui te thinlungah pawh mei alh angin ala alh phat phat a, chu mei alh mit ve mai mai tawhlo tur chuan hnaisailo taka i hming lamri tute pawh ala kan tir duai duai a nih chu.

A hming bula "L" lian pui dah loh i phal ngailoh Lalpa te, tunlai ṭhangthar tena "lal isua" tia an ziah mai laia "Lal Isua" tia i lamrik sak ṭhin Pathian te hian i rilru chhung ril diktak an hriat sak ngei ang che.

He Khawvel a infiamna rothap tak a palian pui pui leh sek pui pui te, a inthal pawp pawp na game lian tak pakhat a palian pui samsei hnuang mai, meikhu rapthlak zet leh dar ri rapawm zet nena a kuang nawr chhia a, phuba lakna hmel rapawm tak nena rawn tho leh ang khan i kuang rawn nawr chhe leh la chuan, i damlai a i hnung lam aṭanga i hming pawh lamri ngam ngailo tu tu emaw te hi an kimki duk ang a, i chhan letna awka rothap tak phenah an kimki leh chawi chawi ang chu!.

He i chanchin ziahna lehkha phek an hal ral takah khan heng thu te hi ka hmu thawi fua fua a ni.Thudik ni si sawi awm lo zet te, thudik ni si mi mawl ber pawna a hlim chhawn a an sawi rik duh loh tur te, Chapona dawrawm zet phena i hming lamrik na te, nagmah fak mawina phena thil pakhat laka i chung a thu chhan letna te, engmah i sawi theih tawh loh hnu a A NI LEH NANG in khai khinna thute ka hmù a ni.Mahse, kan thinlung a ila thih ve lohna hian nangmah ṭan ngam tura huaisenna te min pe in ngaihdan leh rindan tawk min siamsak tho anih hi.

Mi  tena mifing te an fak ngai lohna khawvelah hian ila thi lova,Misual ten miṭha te an elrelna khawvel anchhe dawng ah hian mibik inihna a bo ngai lovang.Ka pu zahawm, vanah chuan i chhawl hal tawh lo sela, beram pu ṭha tak tak ten an beramte te an hual him ṭhinna chawlhna tuikamah chuan hahdam takin chawl mawlh ang che.

Note: Mifing ten hnam pakhat Arsi lian liam tur zahna chibai an buk ṭhin. Arsi eng phen ah eng arsi eng dang mah a mawi ngailo.

LC Chhunthang Henryapa

No comments:

Post a Comment

Post Bottom Ad