PARTY THLIARNA DAH BOVIN RAM HMASAWN NAN I THAWK ANG U - LALCHHANDAMA RALTE, EDUCATION MINISTER

Lalchhandama ralte thusawiChanchinthar 12.01.19: Vawiin khan Sawleng khawtlangin Pu Lalchhandama Ralte, School Education Minister lo lawmna hun an hmang.

He hunah hian Minister chuan thusawiin Party inthliarna dah bovin ram hmasawn nan i thawk ang u a ti a. Sorkar tharin hun rei lote chhungin thawm a nei tan a, mipuite tana tha ber turin hna a thawk zel dawn a ni a ti. Khawtlang hmasawnna tura auhla an neihte tipuitling thei dinhmunah mipuiin an hlangkai avangin mipuite chu tawngtaina nen tawiawm tlat turin a sawm a, kawng laklawha tawpsan mai lo tur leh tawiawm tlat turin a sawm bawk. Minister chuan khawtlang hruaituten khawtlang mamawh an thlente chu uluk taka an thlir hnuah a theih ang anga bawhzui a nih tur thu leh hma a lak tur thu a sawi.


Pu C.Lalmuanpuia, MLA pawhin he hunah hian thusawiin Ministry tharah sorkar tharin zirna lamah theihtawp a chhuah dawn a tiin zirlai thiam thei leh harsate tan incentive pek an nih tur thu a sawi bawk. Zirlaite chu ram nghahfak an nih avangin zirna lamah tan la turin a sawm a ni.

Education Minister hian Sawleng a tlawh hma hian tukin khan Darlawn-ah SDEO office leh quarters sak that dan tur leh Middle school building-a Higher Secondary school dah dan turte a hmunah a en a. School Department Director leh officer dangten an tawiawm a, School thuneitute nen thiltih dan tur an sawiho nghal a ni. ~ Angaih Fanai

Post a Comment

0 Comments