RAHSIVENG, LUNGLEI RAWLTHAR TC LALRINSANGA (Mama) AN KARATE - AH INDIA AIAWHIN GOLD MEDAL A LA

TC LALRINSANGA (Mama) TC Lalrinsanga (Mama), S/O TC Lalramzauva, Rahsiveng, Section - I; Lunglei chuan BHUTAN INTERNATIONAL OPEN KARATE CHAMPIONSHIP NI 9 - 11 January 2019 kara Bhutan a khelah khan India aiawh in Gold Medal a hlawh chhuak a, a hlawhtlinna hi a chhuan awmin a ropui tak zet ani.

A hlawhtlinna hi a nep lo in a mai mai lo, a theuneulo hle a ni. A beihna leh tumruhna vang te pawh hian Veng mipui te pawh hian kan chhuang hle a ni.



TC LALRINSANGA CHANCHIN TAWI


TC LALRINSANGA CHANCHIN TAWI Gold MedalMama hi TC Lalramzauva leh Pc.Lalthanropuii te inkarah an mipa neih chhun leh an unau a mi lai ni turin Ni 20 August 2001 khan Rahsiveng - ah alo pianga, Naupang nungchang țha leh zawiawi tak Nu leh pa leh zirtirtute thuawih tak; aia upa te zahthiam em em mi a ni.
Tun hunpui chhungah pawh khan, kan kohhran - ah amah ang ruala Pathian hming fak a, lâm a zaikhawm taima ber a ni.

Tin,a tleirawl chhuah pawha ruihhlo ,zuk leh hmuam a fihlim; sport tui tak mahni inthunun thei leh tumruh nungchang entawntlak tak a ni a. Tuna a kalna Karate - ah pawh hian mahni in hai kaw chawpin hlawhtling turin amahin theihtawpin a bei a, a theihna leh talent an hmuhin SAI Aizawl a awm turin Kum 2015 March thla khan thlan a ni a, hun eng emaw chen awm hnu in Hmingthangvunga hnenah in zir chho leh in tun dinhmun hi athleng ta ani.

LAWMMAN (Medal) LAK TAWH ȚHENKHAT TE :


Inter Distric Karate championship (Champhai) 2009. Bronze - 2.

AMKA State Karate Championship 2011 Silver.

Inter Distric Karate Championship 2011- Gold

Lunglei District Karate Championship 2012 - Gold & Bronze.

64th Independence day Celebrations Karate Championship Lunglei 2012 - Gold.

AMKA Karate Championship 2013 Gold & Bronze.

65th Independence day Celebration State Karate Championship 2013 - Gold.

AMKA Inter District Championship 2014 - Bronze - 3.

AMKA Inter State Championship 2015 - Gold-2,Bronze -1.

State Sport Council Inter State Ruby Jubilee 2016 - Gold-2,Silver- 1.

21st AMKA State Karate Championship 2017-2018 - Gold,Silver,Bronze(1 țheuh).



AMKA Inter Distric Championship 2018 - Gold.

6th National Level North East Championship 2018 - Silver.

BHUTAN INTERNATIONAL OPEN KARATE CHAMPIONSHIP 2019 GOLD & SILVER.

Hei hi tarlan theih chin a ni a, hei lo pawh hi Medal eng emaw zat ala tawh a; chhungte pawn an hriatpui seng bik chiah lo.

Tin, tun țum Bhutan a kal tur pawh hian sum lamah harsatna a tawk a; sen so mahni a intum a ngai a, Sawrkar leh AMKA lamin kal man pawisa an tumsak thei si lova chhungkaw dinhmun he ti mai hi a ni bawk si a, A coach chuan, " I kalna senso ka tum vek ang a, i champion chuan i lawm man dawn a zat ve ka chang ve ang", a ti a. An hotupa pawh in a ringtawk hle a ni.

Mahse, chu ai chuan pawisa puk chawpin beiseina sang tak nen Pathian rinchhanin a kal ve ta rawih a; tun hi Pathian leh a thawhrim, insum theih vang liau liau in a thleng ta a nii.

"Ka pa, tun țum chu India flag ka sin ve tawh ngei ngei dawn a ni." Mama an in a chhuah san dawn a, A pa bula a sawi a ni. ~ Kristian Rinpuia Pachuau

Post a Comment

0 Comments