ChanchintharZoram Peoples Movement ZPM pawhin vawiin khan kumin atan an party office an hawng a, ZPM MLA 7 in thu an sawi a, Tuirial bialtu MLA Pu Andrew H Thangliana chuan MLA Seat 8 ZPM in a lak chhan chu a sem a sem sawi ve lovin, mahni thawhhah leh thawhchhuah sa hlawkna tel tura mipuite zirtirtute a nih vang a ni, a ti a. Sawrkar kal tawh zawng zawng thil lo tihfuh tawh loh te siamthat hna hi ZPM chuan a ko ah dahin mawhphurhna an la dawn’ a ti a.
Aizawl North 1 MLA Pu Vanlalhlana chuan, ZPM MLA ten inthlan hma leh inthlan hnu a MNF in an thutiam te an tihpuitlin ngei theih nan nasa takin an nawr zel ang” a ti.

Aizawl North II MLA Dr Vanlalthlana chuan, ZPM Worker te hnenah Candidate ten a tul ang a an hman tur a an pek chhuah tawh, anihna tur a an hman hnu a la bang an kir leh thlap chu Mizoram Politics ah a la hre ngai lo tih a sawi a, Aizawl West III MLA Pu VL Zaithanzama chuan, “Citizenship Amendment Bill (CAB) hmangin BJP Sawrkar in India ram hi HIndu ram a siam tumin hma an la mek a, Mizoram hi Mizote ta anih angin leh Kristian ram anih angin, Mizoram hi Mizote ta chauh anih a Kristian ram anih zel theih nan te, Mizoram ah hian Mizo tawh phawt chu lo cheng zel rawh se tih hi ZPM duhdan a ni” a ti.


Aizawl South I MLA Pu C Sawivunga chuan, “ZPM hian MLA tlemte nei mah se, Sawrkarna hial siam a MLA 26 neitu MNF te aiin ZPM MLA te chungah he ram siamtha leh tur hian Mizo mipuite’n rinna an nghat zawk a, an chungah beiseina sang tak an nghat a ti a, Aizawl South II MLA Pu Lalchhuanthanga chuan, “MNF Sawrkar thar lo piang hi Mizo mipuite’n an lakah beiseina an nei sang lo hle niin a lang a, Inthlan lehah chuan ZPM chu Mizo mipuiten Sawrkarna pek an tum hle a ni” a ti.

ZPM Legislature Party Leader Pu Lalduhoma, Serchhip bialtu MLA chuan, Zu zawrh tihtawp chu ZPM leh Kohhran hote duhdan a ni a. MNF Sawrkar in Dry Day puang a a pawt sei vak vak hi Zu zawrh titawp tur a kal dan tur a ni lo, a ti. - AIR

Post a comment

Powered by Blogger.