NESO BALCK DAY HUNA MZP PRESIDENT THUSAWI

MIZORAM AH BJP A AWM VE KHER PAWH HI NGAI KAN TI LO MAI THEI A NI 

- L. Ramdinliana Renthlei, President MZP

MZP PRESS RELEASE

BLACK DAY PUANG

Vawiin ni 12th January, 2019 hian NESO bultumin North East State hrang hrangah The Citizenship Amendment Bill, 2016 duhlohna lantir zirlaite Sipai tha chakna hmanga dimna tel miah lova a beih duh loh lantir nan North East State hrang hrangah BLACK DAY hman a ni a. Mizoramah pawh Mizo Zirlai Pawl(MZP) bultumin Black Day hi hman ve a ni.

MZP General Headquarters bultuma Black Day hmanna pui ber MZP Pisapui tualah a hawnna hun neih a ni a. Hun hman zawh hian Aizawl khawpui hmun hrang hrangah Flag dum zar nghal a ni.

Black Day hawnna hun hi Pu B. Vanlaltana Vice President MZP in a kai hruai a, he hunah hian MZP President Tv. L. Ramdinliana Renthlei leh Tv. Ricky Lalbiakmawia NESO Finance Secretary ten thu an sawi a ni.

Black Day Khuhhawnna huna thusawitu Tv. L. Ramdinliana Renthlei MZP President chuan, "The Citizenship Amendment Bill, 2016 hi Indian Parliament a pass duhlohna dodal tu zirlaite chunga Police chet dan avanga NESO bultuma North East puma Black Day hman a ngai ta hi pawi ka ti hle a. Kan zirlaipui State dangah police avanga hliam tuarte hi MZP chuan kan tawrhpui hle a, hetiang hi thleng nawn tawh lo se kan duh hle a ni. North East State-ah pawh BJP Sorkarna state apiangah Sorkar-in zirlaite a bei nasa a, Zirlaite pawhin hliam an tuar nasa a ni. Mizoram-ah pawh Mizoram BJP hi MZP in engtin nge kan tih ve dawn tih hi kan la ngaihtuah dawn a, Mizoram-ah hian BJP a awm ve kher pawh hi ngai kan ti lo maithei a ni. The Citizenship Amendment Bill, 2016 hi Indian Parliament-ah pass a nih loh nan NESO hmalakna ngaichang chungin MZP chuan hma a la zel dawn a, he kan hmalakna kawngah hian Mizoram mipuite kan tangrual hle a, kan hmalak lehzelna turah theihtawp chhuah a min pui zel turin Mizoram mipuite MZP chuan thinlung takin a sawm nghal bawk a ni." a ti

He huna thusawitu dang Tv. Ricky Lalbiakmawia chuan, "NESO chuan The Citizenship Amendment Bill, 2016 Indian Parliament a pass a nih loh nan hma kan la zel dawn a, nimin khan Guwahati-ah NESO meeting neih a ni a, North State hrang hrangah he bill kan duhlohna kan lan tir avanga kan zirlai pui ten police kut tuara Silai a kah te an ni hi kan dem takzet a ni. Black Day kan hmanna chhan tur hrang hrang te chu:-

1. Tripura State Sorkar Police ten Zirlai leh mipui pungkhawm Silai hmanga an kah avangin,

2. Hliam tuarte phurtu Ambulance Police ten an beih avangin.

3. Khumlung Hospital, Tripura-a hliam tuarte tlawh tura kal NESO hotute Police ten tlawh phal lovaa an lo dan avangin leh

4. Ni 11 January, 2019 a Imphal Manipur, hmuna The Citizenship(Amendment) Bill, 2016 duhlohna lan tir avanga mi pali(4) hliam na tak an tawrh avangin, 

Black Day hi North East pumpuiah kan hmang ta a ni. Zirlaite hliam tuar enkawlna senso zawng zawng hi anmahni State theuhah an state sorkar theuh hian tum ngei turin NESO chuan kan phut tlat a ni. The Citizenship Amendment bill hi ram leilungfate rahbehna tur leh ram neitute zawk Minority a min siamtu tur bill a ni a, he bill duhlohna lan tira ram leilungfate leh zirlaite penchhuak BJP Sorkarin tharum hmanga a bei chiam mai hi NESO chuan kan hrethiam lo hle a ni." a ti.

The Citizenship (Amendment) Bill 2016, hi hman a nih lohna turin MZP chuan theihtawp a chhuah zel dawn a ni.

Sd/-

(ROTHANLIANA)

Secretary I/c Publicity