School Timing Chungchang Mizo Students' Union Press Release

MIZO STUDENTS' UNION PRESS RELEASE

No. D.101/MSU-GHQ/2018-20/07 

Dated Aizawl, the 29th January 2019

Mizo Students’ Union (MSU) General Headquarters, Aizawl chuan Dt 29/01/2018 khan ‘Zirlaite Rûn' MSU Pisa Pui, Tuikual South ah Executive Meeting a nei a, Pu Vanlallian Khiangte, President chuan a kaihruai a ni. He hunah hian MSU in rei tak hma a lo lak tawhna School (Timing) chungchang a hmalak zel dan turte, Mizoram chhunga dan lova khawdin chungchang leh Pension rawih nawn chungchangte an rel a ni.

MSU chuan School tan hun atana kan hman mek hi tha a tilo a, hman anih hma leh hman a nih hnu thleng pawhin a la dodal reng a. MSU chuan zirlaite hmakhua ngai tak chunga School tan hun chuchanga ngaihdan a lo neih tawh National Curriculum Framework 2005 Chapter 4.7 in a sawi anga ‘School tan hun atan chuan a Local Convenience anga school thuneitute remchan dan a zir zel nise.' tih chu hman leh ngei a nih theih nan chak taka hmalak chhunzawm zel nise. Chief Minister leh Education Minister-in MSU hruaitute bula an lo sawi tawh angin zirlaite ngenna avanga sawrkar policy a dah a lo nih tawh angin, Academic Session 2019-2020 a hman hman ngei a nih theih nan hmalak an tum thu an sawi chu MSU chuan tha a ti a, a hlawhtlin ngei theih nan sawrkar chu nawr chhunzawm zel nise a ti a ni.

MSU chuan Mizoram chhunga dan lova khaw din awm hrang hrangte chu tihtawp anih theih nan nasa zawk a hmalak nise a ti a. Kum 2016 a dan lova Chakma awmkhawmna Tuichawng VC area Tuichawngchhuah hmun a school building a kan avanga High Court case kal mek chu tihtawp vat a nih theih nan chak zawka Sawrkar nawr nise a ti a. MSU chuan Dan lo a khawdin awm zawng zawng chu a ranglama Sawrkar mi leh sa te nen a hmun ngeia tlawh chhuah vek nise a ti a. Heng dan lova khaw din hrang hranga mi chengte pawh India khua leh tui an ni ngei em tih enfiah nan Birth Certificate Physical Verification neih ngei nise MSU chuan a duh a. Dan lova khawdin tih tawp anih theih nan heng khua a sawrkar kutthlakna zawng zawng tihtawp a nih theih nan leh project siamtu leh implement tu sawrkar hnathawkte pawh zawn chhuah a nih thwih nan na zawka sawrkar nawr nise a ti bawk.

Sd/- 

(SAMUEL ZORAMTHANPUIA)

General Secretary