Vawiin khan Lok Sabha MP Pu CL Ruala kaihhruaiin Aizawl District Development Coordination & Monitoring Committee (DISHA) chu Aizawlah an thukhawm a. Co-Chairman Rajya Sabha MP Pu Ronald Sapa Tlau bakah Speaker - Pu Lalrinliana Sailo, Rural Development Minister Pu Lalruatkima leh MLA Pu C.Lalmuanpuia; Pu F.Lalnunmawia; Pu H.Lalzirliana; Pu C.Lalsawivunga; Dr. Vanlalthlana; Pu Lalchhuanthanga; Pu VL Zaithanzama, Pu Vanlalhlana bakah Aizawl Mayor Pu PC Lalhmingthanga te an tel a ni.
Nikum July thla atanga kumin January thla thlenga hnathawh te endik turin vawiin khan DRDA Conference Hall-ah meeting hi neih a ni a. Aizawl District huamchhunga Department 28 kaltlanga Centrally Sponsored Scheme hrang hrang 48 atanga hnathawh te enho a ni. MGNREGA hnuaiah Central leh State fund belhkhawm cheng nuai 5062.14 dawn a ni a, heta tang hian cheng nuai 4922.85 chu hnathawh nan hman ral a ni a. Aizawl District huamchhunga block 5 leh zone 2 awmah hna 298 thawh tawh niin heng hnate hi zawh fel zel a ni a. Mipui 27036 hnenah ni 80 inhlawhna siamsak an ni. IAY/PMAY-G hnuaiah hemi hun chhung vek hian cheng nuai 218.86 dawn a ni a, heta tang hian cheng nuai 211.63 chu in 161 sak tanpuina atan hman ral a ni.
Swachh Bharat (Grameen) hnuaiah cheng nuai 916.02 dawn a ni a, cheng nuai 709.51 hna thawh nan hman ral a ni. Heng sum te hi rural area a ek in sak nan te, Rural Mart leh Solid Liquid Waste Management atan te hman a ni a. Aizawl District huamchunga khaw 12 te hnenah Award pekchhuah a ni tawh bawk.
DDUGKY atan cheng nuai 658.33 dawn a ni a, cheng nuai 653.05 hnathawh nan hman ral a ni a. He scheme atang hian thingtlang mipui, eng la neilo te hnenah eng pek a ni a, BPL chhungkuate hnenah connection thar pek chhuah nan hman a ni bawk. AMRUT hnuaiah cheng nuai 285.82 hnathawh nan hman ral a ni a, Mizoram Scholarship Board hnuaiah July 2018 atanga January 2019 chhung hian post matric & upgradation of Merit ST Students atangin zirlai 11,164 hnenah scholarship pekchhuah niin ST students 31630 hnenah pre matric scholarship pekchhuah a ni. ~AIR Aizawl
Post a Comment