COMBINED DEFENCE SERVICE-AH MIZO TLANGVAL TLING - TIMES OF MIZORAM

3 Feb 2019

COMBINED DEFENCE SERVICE-AH MIZO TLANGVAL TLING

Onesimus VanlalruataUnion Public Service Commission (UPSC) ina a buatsaih Combined Defence Services Examination (I), 2018-ah Final Merit list-ah Mizo tlangval Onesimus Vanlalruata, s/o Rev. B. Zobiaktluanga, Tlangnuam, Aizawl (Tuna Bawngkawn Chhimvenga khawsa mek) chu tlingin, Merit list-ah hian 54-na a ni.

Combined Defence Services (I) ah hian mi 172 (Mipa - 130, Hmeichhia - 42) tlingin Maruata hi tling zinga Mizo awm chhun a ni.

Tlingte hian April 2019-ah Officers Training Academy, Chennai-ah Short Service Commission Course an training ang.

UPSC-in CDS Exam a buatsaiha tlingte chu Defence Ministry hnuaia Services Selection Board-in interview turin a ko leh a, chuta tling chho te chu Officers Training Academy-ah hian an training thin a ni.

Maruata hi CDSE (I) leh (II) ah a inziak tling ve ve a, tuna a tlin chhohna hi I-ah a ni.



Nikum (2018) khan UPSC ina a conduct, All India Civil Services Examination 2017-2018 a Mizo thalai prelims leh main-a inziak tling mi 11 te hnenah Mizoram Sawrkar chuan Mizoram Scholarship Board kaltlangin Incentive Cash Award a hlan a, Maruata hi dawngtu zingah a tel ve bawk a ni.

Onesimus-a hian lehkha mai bakah music lam pawh a tithei viau mai a. Guitar, Ukulele te chu a ngainain a play thiam viau a ni.

Mizo thalai zingah UPSC kaltlanga hlawhtlinna chang an vang ta hle kan tih mek lai a, Defence Service lama Mizo tlangval a rawn lang hlauh mai hi a lawmawm hle a. Incentive a pekte zingah hlawhtlinna chang an awm chho zel hi kan sawrkar tan pawh hlawhtlinna kawng khat a ni ngei mai.

Tv. Maruata hi tuna a awm mekna Bawngkawn Chhimveng KTP-ah a theih ang tawka inhmangin, mi tangkai tak a ni mek a ni. Mizo tan rohlu tak ni chho zel teh se.

Mäma Hmar

No comments:

Post a Comment