Naupang kum 11 mi K Rosangkimi a zâi thiam vangin Brazilian pastor-in laptop etc leisakin school fee etc a tumsak!
Aizâwl Bûngkâwn Vênga chêng K Lalremruata fanu, K Rosangkimi (11), Class V zirlâiin 'Mother, how are you today' tih a sak chu a nu leh paten chhûngkaw kawl atân tiin video an siamsak mai mai a. Youtube-ah upload ve satliahin rin âi takin miin an hlutsak viau a. Brazilian pastor, dentist ni bawk Rio De Jenairo-a awm, Rev Glauner da Silva Pereira chuan lo en fuhin a duh ta êm êm mai a. Engtin tin emawa rawn biak pawh dân tùr a dap fê hnuah January 21, 2019 zân khân a nu leh pa a rawn be pawp thei ta hlauh a.
Inbe chho zêlin Rasky nên pawh WhatsApp-in an inbe ve zêl a (Rasky hian English-in a be thei). Rasky chu laptop leisakin February 6, 2019 khân a dawng a. 2019-2020 school fees tumsak a tum bâkah music class fee tumsak a tum bawk.
Rasky thlalâk pakhata a nau mipa naupang lo lang pastor-in a hmuh pawh chu BMX leisakin Feb 9, 2019 khan an kut a thleng bawk.
Celion Tam hi ka duh reuh top a, khawvêl huapin a làr reuh lehnghâl. Rasky zâi ka ngaihthlâk aṭang erawh chuan Tam chu ka dah ṭha ta rih. Khai le, Rasky zâi chu han ngâithla ve teh le! ~ Lalrinzuala Chawngthu
Post a Comment