Lungdai khua Village Council member te hi, Mizoram chhung V.C member te zinga, zirsang ber ber, hmeltha/piannalh ber ber,hausa ber ber, hman ber ber anni hauh lo tih hi a hrechiangtu te zinga mi ka nih angin ; Lungdai khawtlang tana an thiltih thenkhat chauh hi Zoram mipuite hriatah midang tan tangkaina a awm beiseiin han phochhuak ta ila, tu pawi mah sawi em law'ng chu.
Sawrkar Department hrang hrang atanga Development leh Ni za inhlawh an thawh dan zawng zawng chu sawilo ta ila. Ka han sawichhuah chak zual pahnih te chu :
1. Health Security Society. leh
2. Bawlhhlawh paihna tur Motor te hi an ni.
1. Health Security Society :Lungdai khaw
mipui te tan, he scheme an han
duangchhuak rup mai hi a ropuiin an fakawm
takzet asin!!
A ziarang : 1) He scheme hi 31st.July. 2018 Khan hawn ani.
2) Lungdai khua leh tui (sawrkar hnathawk leh sawrkar hnathawklo) chhungkua ten, Hospital Discharge certificate kengin. An hospital bill atangin 30% V.C atangin an bill thei nghal, nghah ngai lovin an la nghal zel thei.
3) He scheme atan hian chhungtin ten Rs. 2050.00 theuh thawh ani.
4) Damlo na zual Damdawiin pan awmze nei tawhlo te tanpuina pek ani bawk.
5) He scheme atang hian ; mi 68 zet tanpui anni tawh. Kan tangkaipui takzet ani.
2. Bawlhlawh paihna Motor : Lungdai khaw V.C ten khawtlang hmasawnna tihtakzeta an ngaihtuah avangin Motor tha tak bawlhlawh paihna tur an ti hlawhtling bawk.
A ziarang : 1) He motor hi mipuite thawhkhawm awm ve bawk mahse, VC te thawhrim leh ngaihtuahna an sen nasat vang liau liau ani.
2) He motor enkawl tur hian, Bawlhhlawh paih Motor Committee din niin, Committee hian driver leh helper pawh advertisement kaltlangin Interview neih vek hnu a lak anni .
3) Driver hian Rs. 5000.00a hlawh a. Tin, helper hian Rs. 4000.00 hlawh a chhawr anni.
4)Thawktu hlawh leh motor repairna tur hi mipuite thawhkhawm tur ani bawk.
Hetiang keini thingtlang khaw tana thil lian tham duangchhuak thei V.C kan nei hi kan chhuang tak meuh meuh ani.
Chianga Pa,Lungdai
Post a Comment