MARTAR RUANGRUH 14-IN HNAM RUN A THLENG: Ni 8/2/2019 (Zirtawpni) hian Hnam Martar ruang ruh 14 (Sawm leh Pali) chuan Hnam Run a thleng a, heng ruangruh hmuahna inkhawm hi urhsun taka neih a ni a. Hnam Marta-te zahna lantir nan ngawi renga dingin minute khat chhung zahna chibaibuk a ni a, anmahni zahna lantir nan MNF Gen.Hqrs. Treasurer leh hruaitu dangten Pangpar an hlan a ni.

Heng ruangruhte hi Vaphai atangin 12 leh Farkawn atangin 2 lak a ni a, chung te chu :-

MNF Mizo MARTAR RUANGRUH 14-IN 1. KAPZUALA
S/O Hrangrula,Sazep 
2. ZAMCHHINGA
S/O Vialkhawnghina,
 Leisenzo

3. CHALNEIHTHANGA
S/O Sanghleithanga,
Dungtlang 
4. THANSIAMA
S/O Thangluaia,
Vanzau 
5. VANDAILOVA
S/O Hausiama,
HNAM RUN A THLENGVanzau
6. SANGTHANGA
S/O Suakchhunga,
Vanzau
7. THANGHRIMA
S/O Haubula,
Vanzau
8. RALLIANKHAMA
S/O Tlanglamthanga,
Vanzau
9. VAITAWNA
S/O Hausiama,
Vanzau
10. LALNGURA
S/O Hrangthanga,
Farkawn
11. VANCHEUVA
S/O Dotawnga,
Samthang
12. VANTHANGA
S/O Rothanga,
Buang
13. ZUNKULHTHANGA
S/O Haukheng,
Farkawn
14. BIAKKHUMA
S/O Mangbanga,
Farkawn

Heng ruangruh la tur hian Ex-MNA leh MNYF Hqrs. atangin mi thahnemngaite an kal a, ruangruh an lakna khua Vaphai leh Farkawn mipuiten kawng tinrengah an lo tawiawm a, an paltlang khaw hrang hrangte pawhin zah takin an lo dawngsawng zel a, he ruangruh laknaa a buaipuitute lo tawiawmtu zawng zawngte chungah Ex-MNA chuan thinlung takin lawmthu a sawi a ni.

He Ruangruh hmuahna inkhawmah hian Pu K.Vanlalauva Ex-Minister chuan thu sawiin, “Mizoram remna hi kan Martar-te thisen hrinchhuah a ni a, Kum 20 hnua kan ramin remna leh muanna a neih theihna chhan pawh hi Martar-te Thisenin a hrin chhuah a ni. Kan Martar-te hi anmahni tan an thi lova, MNF tan an thi hek lova, Mizo hnamin zalenna kan neih theihna tura an beihna avanga thi an ni. Chuvangin kan Martar-te Thisen avang hian kan ram humhalh hi ram mipuiten kan tum ber lo ni zel rawh se,” a ti bawk.

He hunah hian Ex-MNA President Pu Rochungnunga pawhin thu sawina a nei a, “Ruhro hmanga inhampuar tum tiin min sawi thin a, 1987 atang daih tawhin Ex-MNA hian kan Martar-te ruangruh sengkhawm hna hi kan lo thawk tawh a, Inthlan lai chauhin he thil hi kan buaipui lova, inthlan loh hnuah pawh sengkhawm hna hi kan la buaipui zel dawn a ni,” a ti.

He Martar Ruangruh hmuahna inkhawm hi Pu K.Lalrinliana Minister leh hruaitu thahnem takin an telpui a, inkhawm hi Pu Rochungnunga Ex-MNA President-in a kaihruai.

(K.LALNUNTLUANGA)
Secretary
Ex-MNA Association Aizawl, Mizoram
Dt.8.2.2016.

Post a Comment

Powered by Blogger.