MZP PRESS RELEASE
The Citizenship(Amendment) Bill, 2016 chu kan hriat theuh angin Indian Parliament Lok Sabha ah pass a lo ni tawh a, Rajya Sabha ah pass tumin BJP Sorkar chuan chak takin hma a la mek zel a. The Citizenship(Amendment) Bill, 2016 hi pass a nih a India Sorkarin a hman chuan keini Mizote tan chuan a hlauhawm dawn hle a, pass a nih loh nan NESO chuan nasa taka hmala tawh in nawrhna hrang hrang alo huaihawt tawh a ni. NESO anga hmalakna in awmzia a nei tam lo hle a, tunkar chho pawh hian NESO team chu Delhi ah kal in India ram Political Party hrang hrangte kawmkual an ni a. NESO team-ah hian MZP aiawhin Pu Ricky Lalbiakmawia Finance Secretary NESO leh Pu B. Vanlaltana Vice President te an tel a ni.
NESO aiawhte hian India ram Political Party hrang hrang an dawr a, ni 3.2.2019(Pathianni) khan Pu Prasant Kishore JDU leader chu meeting neihpui a ni a. JDU chuan Rajya Sabha ah CAB pharh a nih chuan a dodal zawngin vote an thlak ngei tawh tur thu MZP & NESO hi a lo hrilh a ni. Ni 3.2.2019(Pathianni) vek khan BJD MP leh Lok Sabha Leader Pu Bhartruhari Mathab chu meeting pui leh a ni a. MZP & NESO hnenah hian CAB chu an duh loh thu leh vote lak a nih chuan a duh lo zawnga an vote tur thu a lo hrilh bawk a ni. Ni 3.2.2019(Pathianni) vek khan MZP & NESO hruaitute hian Pu Conrad Sangma Meghalaya CM leh North East a Political Party hrang hrang hruaitu te AGP, NPF leh INPT an kawm leh bawk a, anni nen hian CAB dodal zel dan tur an sawiho nghal bawk a ni. Ni 3.2.2019(Pathianni) vek khan MZP & NESO teamte chuan Pu Sanjay Raut MP Rajya Sabha Parliamentary Leader leh Shiv Sena spokes person ni bawk chu an hmu leh bawk a ni.
NESO team hian 4th February, 2019(Thawhtanni) khan Congress, TMC leh JDU te meeting pui an ni a. TMC MP Prof. Saugata Roy ,Joint Parliamentary Committee member ni bawk chu an meeting pui a, ani chuan Trinamol Congress Party in CAB an duh loh thu a lo hrilh a, CAB chungchang ah chuan an Party chu North East mipui te lamah a din tlat thu a lo hrilh a, Prof.Sagauta Roy chuan Home minister hnen ah CAB 2016 chu dah bo hlen tawh tura a hrilh thu a sawi bawk a, NESO hruaitute kiangah chuan Rajya Sabha ah an thar thawh leh anih pawhin a do zawngin Vote an thlak zel ang tih alo hrilh a ni.
MZP leh NESO hruaitute chuan 4th February, 2019(Thawhtanni) khan Janta Dal United General Secretary KC Tyagi, Lok Sabha MP chu an kawm leh bawk a, Tyagi chuan MZP/NESO te hnenah chuan North East mi te a tan thu alo hrilh a, CAB chu a do hmasa ber tu an nih thu sawiin a tawp thlenga an do tur thu a hrilh a ni. MZP/ NESO chuan Congress President Rahul Gandhi chu 4th February, 2019(Thawhtanni) khan an hmu bawk a, Rahul Gandhi a hnenah chuan CAB in N.East State tin a nghawng dan tur an hrilh a, Rahul Gandhi-an hun a pek angin MZP aiawh a kal Pu Ricky Lalbiakmawia NESO finance secy chuan Mizoram a CHAKMA te pun chak dan a sawi a, CAB chuan na takin Mizoram a nghawng dawn a ni tiin tun atanga reilo te ah Tripura dinhmun ang chu Mizo te dinhmun a ni ve thei a, CAB pass a nih chuan Mizo te chu Minority an ni thuai ang tiin Rahul Gandhi chu a hrilh a.
Rahul Gandhi chuan NESO hruaitu te kiangah chuan eng ti turin nge an duh a zawt a, NESO chuan Opposition Party lian ber a nih anga a party leh a lam tang te huikhawm a, thu khat vuan a, CAB 2016 do dal turin an ngen a, CAB do na ah hmahruai turin NESO chuan an sawm a ni. Rahul Gandhi-a chuan North East Ram leilung fa te identity leh Culture leh language- te chu eng thil mahin a beih/tih bawrhbang a phal dawn lo tih NESO te kiangah a lo sawi a, Assam Accord pawh a Party chuan a support tlat a ni tiin tun atanga reilo te ah a tan chhan leh dinhmun chiang taka a puanzar tur thu a sawi a, NESO lawm na tur lam pawh a ni ngei ang tiin MZP/NESO hnen ah chuan a hrilh a ni.
NESO team te hian BJP thawhpui Party lian tak tak te chu lamtangah a siam mek zel a, NESO chuan BJP thawhpui party zawng zawng a mal malin hmuh kual a tum a ni. MZP/NESO te hian BJP thawhpui Hindu Nationalist Party lian Shiv Sena hotupa ber Uddav Thakeray chu a chenna in MUMBAI ah kawm an tum bakah India Political Party hrang hrang hruaitute meeting pui an la tum zel a ni.
The Citizenship(Amendment) Bill, 2016 hi pass anih loh nan NESO chuan hma a lak chhunzawm zel dawn a, hemi hmalakna kawngah hian MZP chuan Mizo mipuite thlawpna leh tawngtaipuina thinlung takin a ngen nawn leh tak meuh meuh a ni.
(H. LALTHIANGHLIMA)
Asst. General Secretary
Post a Comment