SIAHA-AH "SEMINAR ON RIGHTS AND ENTITLEMENTS OF PERSONS WITH DIABILITIES" PROGRAMME HMAN A NI
Vawiin zing khan Government Saiha College, Siaha-ah *Rualbanlote dikna leh chanvo tarlanna leh humhalhna Dan- The Rights of Persons with Disabilities Act, 2016 (RPwD Act, 2016)* chungchang zirhona hun hman a ni.
Dr. Lalnunthara, Commissioner for PwD, chuan thu sawina hun hmangin, Rualbanlote dikna leh chanvo tarlanna leh humhalhna Dan The Rights of Persons with Disabilities Act, 2016 hman a nih atangin rualbanlo chi hrang 7 (pasarih) ni thin kha 21(sawmhnih leh pakhat) ah tihpun a lo ni ta a, kum 2011 census in a tarlan danin Mizoramah rualbanlo mipa 8198 leh hmeichhia 6962 an awm a, an vaiin mi 15,160 an awm mek a ni, a ti.
Sawi zawmin, Pu Lanunthara chuan, Rulabanlote hi sawrkarin kawng engkimah a ngaihsakin, a duhsak em em a, RPwD Act, 2016 in a phut angin rualbanloten an dikna leh chanvo hrang hrangte an neih theihna tura Committee siam ngaite pawh Mizoram sawrkarin a siam tawh a ni. Sawrkar department hnuaia rualbanlo hnathawkten harsatna/lungawi lohna an thlenna turin Grievance Redressal Officers ruat an ni tawh bawk a ni, a ti. Sawrkar hna pawh mi 60 velin hmuh tawhin, rualbanlote tan job reservation pawh 4% a dahsak a, rualbanloten hamthatna an hmuh theih nan an rualbanlohna chu 40% chin chunglam a ni tur a ni tiin, Guwahati High Court remtihpuina in Law & Judicial Department, Government of Mizoram chuan rualbanlote laka hleilenna a awm lohna turin leh hetiang kawnga hma la thei turin District hrang hrang a Magistrate te chu a ruat tawh bawk a ni, a ti.
Vawiin seminar programme hman zawh hian Dr. Lalnunthara, Commissioner for PwD chuan Mara Autonomous District Council a Executive Secretary Pu V. Zacho leh a thawhpuite chu hmuhin, rualbanlote tana reservation of posts etc. chungchangte leh hmalak zel dan turte a sawipui nghal a ni.~DIPR
Post a Comment