ZOHANDCO: Hun engemawchen hnathawk lova a awm tawh hnuah sorkar tharin ZOHANDCO a ti nung dawn niin vawiina MNF Party thuchhuah chuan a sawi a, ZOHANCO Chairman thar atan Pu C.Lalrammawia ruat a ni a, vawiin khan a office luah tanin, Pu C. Lalrammawia chuan ZOHANCO chu damlo natna tuar, hnuk chat mai thei dinhmuna awm a ni a, tunah chuan lehkha thiamlo te tan pawha innghahna tling ni turin theihtawp a chhuah dawn a ti a.
Mizo te kut themthiamna ti chak a, talent te tipung a, ti puitling tur leh Sorkar aiawh a kut hnathawktute dawm kanna atana he Corporation hi din a nih ang taka hna thawk tura siam a ni ang a ti.
MNF Vice President Pu R. Tlanghmingthanga pawhin thu sawiin, state dinhmun siamtha tur in Corporation hrang hrang tih chak a ngaih bakah hnathawktute kut tihchak hmasak a ngai a. ZOHANCO chu MNF-in an Policy SEDP an kalpuina turah a peng pawimawh berte zing a mi a ni a, mawh a phurhna hrang hrang te, miin eizawnna ngelnghet an neihna tur atana a pawimawhna ang taka tangkai turin tih nun that leh a tul takzet a ni, a ti. - Press Release
Post a Comment