PUBG Mawlh hi!!
(I naute, i ṭhiante, i fate i hmangaih anih chuan, ṭanpui theih an la nih laiin pui la, he thu chhawpchhuah hi a tam thei ang ber theh darh ang che)
Tûnlai mobile video game kâr tak, Mizo thalaite ngei pawh rûn mêktu PUBG an tih game nghawng ṭhalo tawitein i lo thlîr lawk ang hmiang.
PUBG tih chu PLAYER UNKNOWN'S BATTLEGROUNDS tih lamtawi ani.
A Ṭobul (MUGSHOT)
Born: 2016
Published: 2017 Dec.
Founder &Developer: Brendan Green(Irish): Photographer, Web & Graphic Designer
Nature: Online Multiplayer Battle Royale Game
Platforms: Microsoft Windows(Studios), Adroid(2018), iOS, PlayStation-4
Status: Most-Played Video Games of all times
No. Of Players: Android Mobile Version siam anih aṭangin mi 400 millions(maktaduai) aia tamin an khêl mêk a chhût a ni a, nitin an pun belh zêl mêk bawk.
Most Played Game Version: BATTLEGROUNDS
PUBG game hi khelh nuam tak aniang, a kheltu apiangin an ruihchilh emaw tih mai tûr a ni. Naupang chauh ni lo, ṭhalai, puitling ( nu leh pa telin), zirlai leh hnathawk tam takin an khela an ruihchilh mêk a ni. Drugs addiction ang êm chu ni lo mahsela, ruihchilh an tam tâk hial avângin nghawng ṭhalo a nei nasa a, khawvel hmun hrang hrangah PUBG sawiselna thawm a ring sâwt hle a ni.
PUBG Side Effects:
1. A game ah hian tharum thawh a tam(extremely violent): tharum thawh a tam avangin a kheltuteah ngaihtuahna thalo (aggressive thoughts) & thinchhiatna a siam a, chu chuan nungchang ṭhalo a siam phah a ni an ti( Source: theverge.com). Khawvel hmun hrang hranga vantlang zînga tharum thawhna(public violence & crime) leh inthah buai buaina a thlen tam phah an ti bawk.
2. Addiction A Siam(Gaming Addiction) : PUBG game khelh tam lutukin hna a ti sawt lo(less productive) em em a ni an ti. Hetiang harsatna hi thil thar chu nilo mahse, he game hi a kâr laka chawlhsan chi anih loh avangin a kheltuten rilru leh tha zawng zawnga an khelh tura duan a ni. Hnathawh leh zirlai a ti bahlah nasa tih leh an thawh tur leh tih tûr ti mai thei lovin a siam(Source: wfctech.com
3. Maltlat Nun a Siam(Less Socially Active): PUBG âtchilh te chuan ṭhian an kâwm tlêm tial tiala, biak pawh hleih theih lovin pindanah an inkhung hranga, game an khelh laiin phone call chhan te, inlêng neihte, biak nih leh tirh an ning êm êm a, earphone/headphone vuahin hmun danga an play partners te nên ring tak takin an in au lung lung tho si.(Source: polygon.com) Mahni chenpui leh khawsakpuite an be tlem êm êma, an ngaihsak lo tlângpui. Inlaichhinna a tikhawlo mêk a ni.
4.Taksa Hrisellohna a thlen tam(Bad Physical Health): PUBG game khat in darkar khat vel a awh tlangpuia, hun rei tak thutchilh emaw che lo deuhthawa awm ngai anih avângin, taksa hriselnain a rukin a tuar nasa hle. Thatchhiatna a siam a, tul lovah mit a ti hah a, lu na a siam nasa bawk(Source: windowscentral.com)
5. Ngaihtuahna a ti chau(Weak Mental Health): PUBG addict te chu a tlângpuiin an hmel en in an hah hmêl ngawih ngawih, an hmêl a hlim sarh lo, nelawm loh hmêl an pu(tum deuh rûn ang hi). Midang an kawm tam loh avângin an chhaw chhuih, mi ningkhawng an hre tam lo(Source: redbull.com). Socially active- midang kawm tam leh be tam te hi mi hlim thei leh kawm nuam an ni tlangpui.
6. Mut Hun Bi a ti buaia, Muttui lohna a thlen(Disturbed Sleep Pattern): Chhunah aiin zâna khel an tam tlângpui. Zân rei tak tak an khêl a, tlaivarpui ṭhak ṭhak peih an tam. Rei tak tak an ṭhu ngar ngar a, an mit a kham a, mu duh tawh mahsela an mu mai theilo...an mithlaah an game khelh a châm tlat thin. An mut chhunah an mang a chhiaa, an phu zuk zuk ṭhîn. Hallucination ( mangchhia) an nei duh. Hei pawh taksa chak loh vang bawk ani.
7. Hun a Heh(Time Consuming): A chunga târlan tâk angin PUBG game khat hi darkar 1 awh a ni tlangpuia, a addict tawh tan chuan game khat maiah an duhtâwk lova, game 5-6 vêl an khêl tlângpui, tichuan engmah thawk leh zir lovin hun tha darkar 5-6 an paih tihna a ni(Source: kamitinkahmu.com)
KRISTIANNA & PUBG
1.A game hming hrim hrim hi a râpthlâk-BATTLEGROUNDS (indonazâwl) tih a ni!
2. A Kalhmang: indo, in kah, in thah, thusen chhuah, thil tihchhiat, hriamhrei leh râlthuam chelek a tam.
3. Game kheltu a tui tawh chuan a hna ṭhulh ṭhakin leh a hun a zawh tûr zo hman lovin phuailuai takin a tih phah fo. Tûna tih theih nakina tih atân khêk suh tih ani. Rinawmlohna chi khat a ni.
4. Taimakna lam aiin thatchhiatna a hring. Thil ṭha leh ṭûl thawka taima tûrin Biblein min zirtîr thung.
5. PUBG addict te an thinchhia a, an thinrim hma an ti. Biblein zaidam leh nunnêm nei tûrin min zirtîr si.
6. Bible thu angin kan taksa leh hriselna vawng tûrin min zirtîr, PUBG ang game hian taksa, rilru hrisel lohna a thlen a, hriatloh hlânin thlarau nunram a nghawng bawk.
7. Bible-in ringtute chu midangte nên inpawlho tûrin min fuih a, he game erawh thung chuan rualpawl lovah mi a siam a, midang ngai theilo zawngin a khawsak tîr thung si.
Paula chuan "Thil engkim tih ka tân a thiang a, nimahsela engkim tih a ṭha kher lo; thil engkim tih ka tân a thiang a, nimahsela eng bawihah mah ka inphal lo" (I Kor. 6:12)
Engkimah chintawk neih a ṭha a, chintawk leh insûm thiam harsa kan ti si, bawiha tân hmaiin PUBG ang game hi a tha lo ani tiin la ching lo te'n khelh ve loh mai a him ber. A khêl ṭhîn te pawhin ṭawngṭaina nên tâl chhuak a khêl tawh lo tûra ṭan lâk a pawimawh khawp ang.
~DAVID LALRAMLIANA RALTE
Post a Comment