Zirna lamah kum a lo thar leh dawn ta. Mizoram pawna zirna chhunzawm tum kan awm leh nualin a rinawm. India chhim lama lokal turte tana hriattur chi kan lo tarlang ange. Heng hi India ram khawpui dangah pawh thil awm thei a ni ve tho mai thei bawk e.
Karnataka chu sawiloh, Bangalore khawpui chhungah chauh pawh hian zir tur chi hrang a tam em em mai a. Zirna tur college leh institution pawh ṭhahnem tak an awm a ni. Bangalore hi stream leh subject ṭhenkhatah zirna tur hmun ṭha tak tak awmna a nih laiin, ṭhenkhatah chuan admission tihna chiloh pawh an awm ve bawk. Chuvangin, fimkhur a ngai.
1. Zirna hmunah te admission buaipui leh tihfel a har lo em em a. College thlansa nei tan phei chuan online in engkim a tih theih.
2. Zirnaa mark ṭha tak hmu (80% above) tan zir zelna tura admission tih a har lova, zirna hmun ṭha ber ber leh environment ṭha tak neia admission hmuh a har lo.
3. I zirna tur emaw, I fate zirna tur emaw kha nangmah ngeiin buaipui tum rawh. Zirna hi a pawimawha, a hmun pawh a pawimawh hle tel a ni tih hriat tur. Awmpuite kuta fate dah te hi ṭhalo tak a ni.
(Vawikhat pawh, zirlai pakhat mark hmu ṭha deuh mai, college ṭha deuha zir thei tur hi Mizo agent pakhat an inbuaipui tir a, pawisa a hmuh theihna college-ah a admit a, college chhe em em maiah. Pawi tak a ni.)
4. Mizoram emaw hmundang emaw aṭanga zir tur leh zirna tur rawn zawngte chuan midang kuta inchah chhawng lovin, mahni ngei lokala zirna hmun te rawn hmu leh hre veka tihfel in tum dawn nia. Sum insen pawh hrehloh a ṭha.
5. Bangalore a zirna hmun hrang hrangah hian rintlak leh rintlak vaklo an awm tih hriat tur. Nursing zirna phei chu a tam a, fimkhur ngai em em a ni. Sawrkar emaw University emaw ina ala pawm loh emaw, pawmna la tihfel loh te pawh awm thei a ni. Chumai nilovin, hospital neilo an tam em em a, chungte chuan damdawiin dang thawhpui an neih ṭhatloh phei chuan thil pawi tak a ni thei.
6. Bangalore ah hian college emaw institution emaw tam tak hi hostel neilo an ni fur mai a. Zirlai tan a buaithlakna chin a tam khawp mai. Zirlai tan hostel a awm a ṭha ber a. Hostel awmna a awm loh chuan private hostel leh PG ang chi chu a awm nual. Zirlai inluaha awm loh hram hram erawh thil ṭha ber a ni.
Fee pek ṭul leh a zat tlangpuite (College a zirin a danglam):
Undergraduate:
B.A – Kum khatah Rs.50,000 – Rs.70,000
B.Sc – Kum khatah Rs. Rs.50,000 – Rs.70,000
B.B.A/B.B.M – Kum khatah Rs.60,000 – Rs.80,000
B.Com – Kum khatah Rs.60,000 – Rs.90,000
B.C.A – Kum khatah Rs.60,000 – Rs.80,000
Post Graduate:
M.A – Kum khatah Rs.60,000 – Rs.nuai 1
M.Sc – Kum khatah Rs.70,000 – Rs.90,000
M.S.W – Kum khatah Rs.60,000 – Rs.80,000
M.Com – Kum khatah Rs.70,000 – Rs.nuai 1
M.C.A – Kum khatah Rs.90,000 – Rs.nuai1.5
M.B.A – Kum khatah Rs.nuai 3 – Rs.nuai 4
Registration fee: Rs.250 – Rs.1,000
Eligibility fee (For outside Karnataka): Rs.5,000 – Rs.7,000
Additional fee (For outside Karnataka): Rs.10,000
Documents ngaite (Xerox copy neih ṭheuh tur):
1. Original marks card ( X,XI & XII)
2. Transfer certificate
3. Migration certificate
4. Character certificate
5. Tribal certificate
6. Aadhaar card
7. Passport size photo (10nos)
Source: Bangalore Mizo Chanchinthar
Post a Comment