Mizoram School of Photography Director, Malsawmtluanga hnenah hlan a ni.
He Award hi Ni 28th April, 2019 khan Novotel, NewTown-Kolkata ah hlanna hun hi hman a ni a, India ram State hrang hrang atangin Entrepreneurship lama titha te hnenah he Award hi hlan niin, kum hmasa lamahte pawh pekchhuah alo ni tawh thin a ni.
He Award hi MSP leh Director, Malsawmtluanga te chanchin leh an hlawhtlinna hrang hrang atanga pek a ni.
NATIONAL LEADERSHIP AWARD 2019
Tv MALSAWMTLUANGA HNENAH HLAN ANI
MSP director , Malsawmtluanga hian Kum 2013 khan National Academy of Photography atangin Professional Course in Photography leh Videography & Film Editing hi Kolkata Film & Television Institutes, Kolkata atangin a zo va.Tunah hian Persona International Photographer (Approved by Federation of Indian Photography)ah Life Member niin, Mizo Photographers' Society President te lo ni tawhin, Photography Club of Mizoram dintu a ni bawk.
Mizoram School of Photography hi Kum 2017 khan Ex MP&MLA Pu Vanlalzawma'n hawngin tun thleng hian tha takin an la kalpui a. He School hi Mizo thalai, Photography zirna tha neilo te zirtir leh man tlawm zawk leh Mizo tawng ngeia mahni rama duhtawka kan zir theih nana din niin, zirlai sawmruk (60) chuang zetin an zir chhuak tawh a ni. An zirchhuah hnu pawha Photography lam tihhmasawn a nih zel theih nan Photography Club of Mizoram dinin an intelkhawm a.
School leh Club tangkawp hian kan ram nungcha leh ramngaw humhalh kawngahte an theihtawpin hma an la a. Photography Workshop, Exhibition, Photo Gallery leh Production House te neiin hma anla chho zel a, Mizoram leh Mizo mipuite hnena Photography tihhmasawn hi an thiltum bul ber pakhat a ni. ~ Amah Duhtea Lalduhthlana
Post a Comment