He'ng mi Khawzawl Hermon veng naupang pathum;
Lalhruaitluanga s/o Lalropari
Zothanpuia s/o Pc Lalngaihzuala
Laltlansanga s/o Biakhmingliani
te hian ni 28.4.2019 (Pathianni zan) kha'n an khawlai lenna-ah pawisa tam tham tak mai an chhar a, an pawisa chhar chu hmang mai lo in Khawzawl Hermon Branch YMA President pu C. Lalrema hnenah an pe lut vek mai.
Chhungkaw harsa ve tak tak an ni a, kum thu ah pawh a sual rual chin, pawikhawih thei rual chin an ni a, an pawisa chhar pawh hi an it ve ngei ang. Mahse mizo naupang tih awm renga mawiin Khawzawl Hermon Branch YMA President kutah an hlan thlap a ni.
Laltlansanga d/o Biakhmingliani phei hi chuan a nu hnenah ka nu hnathawk tawh suh, school ka chawl anga, ka inhlawh anga, ka chawm ve tawh ang che, a ti thei tawh tlat. School a bang hmiah mai. An unaua inhlawhfa-in a nu an chawm der tawh mai.
Tin, Zothanpuia s/o Pc Lalngaihzuala pawh hi a school kalna tur mamawh tuak nan Khawzawl Hermon veng chhunga sanitation committee hmalakna hnuaiah bawlhhlawh paihin a inhlawh thin a ni.
An thian thum rinawmna hi entawn theuh turin Mizo mipuite challenge ka rawn siam sak a ni e.
Tunlai khawvela sualna a sosan tawh em em lai leh mi faten ruk tur an melh tawh reng lai te, a hausa apiang an duhamna khawvel leh mi chanai an eiruk tun tun laia an chhungkaw hnemhnanna tham zet tur pawh YMA president kuta an hlan hi an fakawm takzet a ni. ~ Apuia Tochhawng
Post a Comment