Zirtirtu 946 Lak Phalna Cabinet-in A Pawm - Directorate Thar 2 - TIMES OF MIZORAM

22 Apr 2019

Zirtirtu 946 Lak Phalna Cabinet-in A Pawm - Directorate Thar 2

Nimin (22.4.2019) khan Chief Minister's Cabinet Meeting room-ah Council of Ministers chuan thu pawimawh tak tak relin an thukhawm. He meeting-ah hian sawrkar department hrang hrang sawm atanga lutte chu ngaihtuah niin, chung zinga pawimawh zual te chu hengte hi an ni:

Hnaruak Hnaruak

Mizoram chhunga Primary leh Middle school hrang hrang a zirtirtu indaihlohna phuhruk turin zirtirtu 946 lak phalna Cabinet chuan thutlukna a siam.

Mizoram State Institute of Hotel Management chu rang thei ang bera kalpu a nih theih na tura hmalakna pakhat atan post hrang hrang 32 hnawhkhah phalna pek a ni a. Hei hian state pawn pan kher ngailo a mahni state chhunga Hotel Management zir duhte tan awlsamna a thlen ngei beisei a ni.

Sports & Youth Services Department hmalakna in Mizoramah State Games neih ve tum a ni a. Chumi atan chuan pawisa cheng nuai 150 dah chhin niin, kumin chhunga State Games hi neih theih beisei a ni.

Lunglei a Army National Cadet Corps (NCC) Mixed Battalion tan tur atana pawisa mamawh belh te nimin Cabinet Meeting chuan a pawm.

Nungcha leh thing leh mau humhalhna kawnga sorkar leh pawl leh mimal anga hmalakna avangin mipuiah pawh ngaihpawimawhna a sang tawh hle a. Mahse ram vak ru a nungcha lo that thin te, phalna neilo a thing kit ru thin te an la awm thin avangin Incentive Reward Scheme buatsaih niin vawii meetingah hian pawm a ni a. Dan phalloh a heng thil ti thin te hria an awm chuan report a, thil diklo titute manchhuah kawnga sawrkar sawrkar puitute hnenah lawmman bautsaihna a ni.

Social Welfare Department hnuaia hna hrang hrang chak zawka bawhzui a nih theih nan directorate pahnih - Directorate of Social Welfare and Tribal Affairs leh Directorate of Women and Child Development-ah then niin, heng directorate pahnih inkara thawktu hrang hrangte insemfel dan tur chu vawiin Cabinet thukhawm chuan a pawm. Hemi bakah hian Social Department hnuaiah vek Draft Mizoram Juvenile Justice (Care & Protection of Children) Rules, 2019 chu pawm a ni bawk.

Nimin Cabinet Meeting chuan 7th Pay zulzuiin Mizoram Public Service Commission Chairman and Member te, State Election Commissioner leh Mizoram Board of School Education Chairman te hlawh siamthat chu a pawm bawk a ni.

Source: DIPR

No comments:

Post a Comment

Post Bottom Ad