MIZO TLANGVAL CHHUANAWM LALHMINGLIANA BAWIHTLUNG - TIMES OF MIZORAM

22 Apr 2019

MIZO TLANGVAL CHHUANAWM LALHMINGLIANA BAWIHTLUNG

LALHMINGLIANA BAWIHTLUNGLalhmingliana Bawihtlung s/o B. Johana, Zote Champhai tuna Delhi Police a tang mek chuan tha takin India rama Commando tha ber pawla kan neih pakhat NSG Black Cat Commando zoin naktuk hian Certificate hlanna leh Closing hun an hmang dawn a ni.

NSG Black Cat Commando Training nei tur hian Delhi Police atangin mi 51 thlanchhuah niin Screening hautak zet vawi thum neihpui an nih hnuah mi 10 chiah Training tur hian an tling thei hram a, chhung zingah chuan Champhai thlangval hi a tlingve hlauh a ni.

Training-ah hian Test neih reng a ni a, test bakah hian Exam ang chi Mode 1 leh Mode 2 an nei a. Mode 1 ah hian test chi hrang hrang awmin test pakhat paltlang zo lo chu Training chhunzawm phalsak an ni tawh lo a Return to Unit (RTU) hmangin an thawn haw thin a ni.


Mode 2 phei hi chu Mode 1 aiin ala hautak zawk mah a. Mode 1 a test hrang hrang an paltlang theih chuan an pawm mai ang kha ni tawh loin Mode 2 ah chuan test hrang hrangah Excellent (áš­ha lawr) nih a ngaih avangin Training hi a hautak zual hle.

Delhi Police ah hian kum 2016 khan Lalhmingliana Bawihtlung hi alo lut tawh a. Commando Training an chhuah hi chuan Security Cell leh Special Cell (SWAT) a zawm a rinawm.

Lalhmingliana Bawihtlung hian harsatna tam tak paltlangin vai pathian biakna hmun Mandir a kal tur an tih pawh hian Pathian vangin hrem huam chauh pawh nilo Training loh pawh huamin a kal duhlo thin.

Hetiang mi chhuanawm kan nei hi a lawmawm in an kal zelna turah duhsakna kan hlan e.

No comments:

Post a Comment

Post Bottom Ad