CHIEF MINISTER LEH US AMBASSADOR INKAWM - TIMES OF MIZORAM

Breaking

Home Top Ad

Post Top Ad

CHIEF MINISTER LEH US AMBASSADOR INKAWM

India rama United States palai Pu Kenneth I. Juster chu zan khat cham turin vawiin khan Mizoram a lo thleng a, tlai dar 4:30 khan Chief Minister Pu Zoramthanga chu a chenna Chief Minister Bungalow ah hmu in an inkawm.


Chief Minister leh US Ambassador hian Mizorama sawrkar hmalakna leh policy hrang hrangte leh thenawm ram Myanmar nena inlaichinna te an sawi dun a. Ambassador Pu Juster chuan tun tum a lo kal hi Mizorama US sawrkar bultum a HIV/AIDS tihrem leh enkawl kawnga hmalakna hrang hrang enfiah tura lo kal a nih thu a sawi bawk.

United States Ambassador hian Aizawlah zan khat chamin naktuk hian Shalom, Lower Zarkawt leh Synod Office bakah Excise & Narcotics Department office te a tlawh dawn a. Ani hi U.S. Consulate General, Kolkata Pi Patti Hoffman bakah Public Affairs Officer Pu James Dragon, Assistant Public Affairs Officer Pu Jay Treloar,  Global Affairs Specialist Pu Sourabh Sen leh Security Liaison Officer Pu Subrata Debnath ten an tawiawm a ni. Chief Secretary Pu Lalnunmawia Chuaungo leh Secretary to CM Pu H.L. Rochungnunga ten Chief Minister hi an tawiawm bawk. ~DIPR

Post Bottom Ad