LORRAIN ENGLISH SCHOOL SIAHA BAWRHSAPIN A TLAWH - TIMES OF MIZORAM

16 May 2019

LORRAIN ENGLISH SCHOOL SIAHA BAWRHSAPIN A TLAWH

LORRAIN ENGLISH SCHOOL  SIAHAVawiin chawhnu dar 1:00 Pm khan Siaha District Bawrhsap Pu Bhupesh Chaudhary, IAS chuan Lorrain English School tlawhin, Class VII &VIII naupang pungkhawm te hmaah  Power Point Presentation hmangin, thlalak mawi tak tak  nen Fuihna thu tha tak tak a sawi a ni.

Naupangte nen zawhna leh chhanna hun te hmangin, hlim takin inkawmhona hun an hmang a. Zirlai Naupang te nena hun an hman zawh hian, Principal Pi H.Zoramthangi Office chamber-ah Zirtirtu te nen inkawmhona hun an hmang leh a ni.

Pu Bhupesh chuan Zirtirtu te chu an hna hi sawrkar hna satlia-a  ngai lova, mahni mihring pui te hnena rawngbawlna hna a ngai tlat turin a chah hlawm a. An zirlai naupang te hmalam hun sialsaktu an ni a, nitina intuaithar ve reng tur leh English Medium School a ni ang  ngeia English hmang hram hram turin leh  an subject theuh belh em em turin a chah hlawm bawk a ni.

Lorrain English School hi kum 1999 a ECM kohhranin a din a ni a. Kum 2008 ah MADC kutah lutin, 1KG atangin Class VIII thleng zirna a awm a. Tunah hian zirtirtu 27 leh Zirlai naupang 627 an  awm mek a ni.

Pu Bhupesh Chaudhary hi Pu H. Zonunmawia, EO,  Pu N.Vabeiratlua, DIPRO leh Pu L.Duhkima DDPC SSA Mission, Siaha ten an tawi awm a. Pu H.Zonunmawia pawhin Naupang ho hnenah fuihna thu tha tak a sawi bawk a ni. ~DIPR

No comments:

Post a Comment

Post Bottom Ad