ZIRNA KAILAWN LEHKHABU TLANGZARH - TIMES OF MIZORAM

Breaking

Home Top Ad

Post Top Ad

ZIRNA KAILAWN LEHKHABU TLANGZARH

ZIRNA KAILAWN LEHKHABU SCHOOL EDUCATION MINISTER-IN A TLANGZARH


Vawiin ni 17.5.2019 Zirtawpni chawhnu dar 3 khan School Education Minister Pu Lalchhandama Ralte chuan ama officer chamber ah Zirna kailawn stairway to higher education tih lehkhabu a tlangzarh.

School Education Minister Pu Lalchhandama Ralte chuan he hunah hian thusawiin kan ram leh hnam kal zel atana mamawh chhanna lehkhabu  a tlangzarh thei chu lawmawm a tih thu a sawi. Minister chuan naupang zirlai tam takin tum mumal  nei lovin an zir ringawt a, competition a san tawh avangin hlawhtlin a har. Khawvel hmasawnna avangin hna chi hrang hrang a awm zel a. Rel te pawh a rawn lut ang a, railways ah hna han hauh dawn ila, a thawk thei kan neih loh chuan a buaithlak hle dawn a, chutiangin hmasawnna hna dangah te pawh zofate kan  luh theih a ngai. 

Chuvangin zirlaite hian kalna tur kawng an hriat a ngai a, chutiang atana tangkai tur lehkhabu tlangzarh a ni hi a lawmawm hle a ni a ti a. Minister chuan ram leh hnam atan naupang kaihhruaitu tha neih a ngai a, nu leh pa tam tak hi chutiangah chuan kan fit tawk lo, he lehkhabu hian kal ngaihna hre lote a kawhhmuh dawn a ni a ti a. Hetiang lehkhabu ziak theitu Pu Lalhruaitluanga ZoCareer solution chu fakawm a tih thu a sawi bawk.

Lehkhabu ziaktu Pu Lalhruaitluanga chuan kan ram hian resource kan nei tha tawk lova, human resource lamah tan kan lak a ngai a, kan thiam thil hi a bik anih a ngai tawh a, chutiangah chuan zirlaite kaihhruai an ngai a, chumi kaihhruai nana ziak anih thu a sawi.

He lehkhabu tlangzarh inkhawm hi RK Hnuna'n a kaihruai a, Laltluangkimi Hnamte Associate Prof Govt Zirtiri Residential Science college in lehkhabu thlirna a sawi a, Dr Vanlalthlana MLA te, MZP leh MSU hruaitute leh sawm bik te an tel a ni. ~DIPR

No comments:

Post a Comment

Post Bottom Ad