Mizo Nih A Nuam Thin E : Tanpui Ngai Pi HC Lalnunmawii - TIMES OF MIZORAM

Breaking

Home Top Ad

Post Top Ad

Mizo Nih A Nuam Thin E : Tanpui Ngai Pi HC Lalnunmawii

Pi HC Lalnunmawii Kum 45, te nufa hi October 2018 khan Zawlpui, Lunglei District atangin Serkawnah an lo pem chho va. Fa 2, Mimi-I kum 17, Class ix zirlai leh John-a Kum 9, Class V zirlai a nei. Sec III huam chhung, Pi RK Darzawni te inhnuai an rawn luah a. Eizawnna mumal an nei lo va, a rem chan ang ang a inhlawhfa in an awm ve a. 
Kumin May thla khan a damsam mang loh avangin a inentir a, vanduai thlak tak maiin Chhul Cancer a lo ni a. Aizawlah an han en chiang lehzual deuhva, zai ngaihna pawh awm lo, ‘hem’ ngai chi a lo ni a. A fanu Class ix zirlai pawh chu Sikul kal chhun zawm thei anih tak loh avangin thenawm te thingpui dawrah inhlawhfak a lo ngai ta a. Pi Mawii chu Zemabawkah a inenkawl ta reng a, a fanu hlawh leh Kohhran ho te kanna leh mi thahnemngai te thilpek nen an awm ve nawk nawk a ni ber. 


Tunhnaiah Zemabawka inhemna khawl a chhia a, Doctor te sawi dan in han siamtha leh tur chuan thla hnih thla thum lai nghah a ngai dawn si a. Amah hian chu chen chen nghak thei anih loh avangin Ni 29.7.2019 hian Gwahati kal ngei ngei a ngai a. 

A fa te 2 hian an nu chu phai a a kal hma a hmuh ve ngei an duh si. An tan Aizawl kal pawh thil namen lo a nih hria in Section iii YMA te chuan Section huam chhunga anmahni tanpui thei an awm chuan tiin thu an than a. 

Vengchhungah a lo darh zel a, anmahni lainattu an lo pung a, Mimal bakah Baptist Higher Secondary School Staff, Hosteller, MHIP leh BKHP atang te in tanpuina a lo lut zel a. Vawiin chhunah khan a fa te Aizawl kal tur hnenah tanpuina an hmuh zawng zawng Cheng 150,000/- zet chu a fa te hnenah an hlan fel ta a ni. 

Motor a an luh hnuah te pawh an la pek zel avangin an pawisa dawn zat chiah hi he thu buatsaih lai hian hriat kim a la ni rih lo.

~Anonymous

Post Bottom Ad