Education Minister Pu Lalchhandama Ralte chuan tun hnaia MR Zirtirtu 881 lak thar tur chungchangah Party thinlung engmah an pu lo a, Hnam Run list a awm lo a ti.
Education Minister Pu Lalchhandama Ralte chuan tunhnaia MR Zirtirtu lak thar turah Party thinlung engmah an pu lo a, thingtlang thleng phak Education Gospel an kalpui a ti.


Vawiin-a MNF Party Inkhawm Mizo Hnam Run-a neihah he thu hi sawiin, MR zirtirtu lak turah opposition lamin thudiklo mipui hnenah an thehdarh a ni a ti a. Party induhsak bik leh dan palzut-a duh duh la turin zirtirna an thehdarh a ni, a ti. Pu Lalchhamdama chuan MR Zirtirtu lak tur chu langtlang takin, kal dan tur zawng zawng puan a ni a. Zirtirtu train chhuak thlap, a khaw mi emaw a khaw thenawm, an thawhna hmuna awm tha duh tur lak tumin an inbuatsaih a. Eng party mi pawh ni se, an khua zirtir thei an nih chuan duhsak bik an nei dawn lo tih a sawi a. Mithiam tak tak zirtirtu atan lak an lo ni tawh thin a, transfer chungchangah harsatna a awm leh thin a. Transfer dil lo tur, thiam si, an khaw mi lak an tum thu leh thingtlang thleng phak Education Gospel kalpui a, thingtlang lama zirtirtu nei lote leh indaih lohna nasa tak awm phuhru turin hma an la tih a sawi a ni.
Mizoram Minister
He hna lak tur hi Lawngtlai leh Saiha tih loh, District tinah DPC kaltlangin interview neih a ni dawn a. Board Chairman atan DC niin Secretary atan DEO a ni ang a, member atan District tin DIET Principal, SDEO senior ber an ni bawk ang a, hemi vil tur hian DP&AR aiawh pakhat theuh an thu tel dawn niin Education Minister hian a sawi a. District tinah hnalakte hi an final nghal vek dawn a, Minister dawhkanah emaw director dawhkanah emaw final tur a nih loh thu a sawi a ni.

Pu Lalchhandama Ralte chuan, Mizote nunphung milin Sikul timing thlak danglam a ni a. Continuous and Comprehensive Evaluation (CCE) angin zirtirna dan thar kum 5 vel hman tawh, Right to Education dan-a fail theih loh ang chiin zirna kalpui thin chu Mizoram ah erawh kalpui ve chi a nih loh avangin tun session thar April thla atang khan CCE kalphung chu her danglam a nih thu pawh a sawi a. Term exam angin vawi 3 exam kalpui a ni leh ta a ni, a ti. Zirtirtu leh a hnathawk transfer and posting rules pawh tunah hian siam mek a ni a, tun atanga hun rei lo te ah peihfel thei turin ruahmanna siam mek a nih thu a sawi bawk. ~AIR
Powered by Blogger.