CAREER AWARENESS WITH SPECIAL REFERENCE TO CIVIL SERVICES - TIMES OF MIZORAM

Home Top Ad

Post Top Ad

CAREER AWARENESS WITH SPECIAL REFERENCE TO CIVIL SERVICES

Clement Liankunga, IAS(Rtd)
Kum 1960-1990 thleng khan zoram hi,“Producer and manufacturer of IAS, IPS etc” tiin an sawi thin. Ni e, khang hunlai khan tunlai angin zoramah zirna tha a la awm ve lova, UPSC exam-a tling ta te pawh a tam zawkte chu thingtlang mi, harsa taka mahni inchawm chunga High School leh College-a zir hram hram an ni deuh ber. |henkhatte phei chu chhuna inhlawh/ sawrkar hna thawk chungin an zir a, UPSC exam hmachhawn turin coaching kal lovin an inziaktling hlawm bawk. Engvang bik nge ni? E le, theihtawp takmeuha beiin, ka tum nge ruh saruh, tia an beih tang tang vangin India rama service sangberah an inhlangkai thin a lawm. |hangthar lehkha thiamte hian rual U te hniakhnung kan zui phak hrih lo a nih hi. 

Anih loh leh engvang leh engati nge kum 2014 atang khan zofate zingah AIS (All India Service) tling kan awm theih tak loh? A vang leh chhan tam tak a awm awm e. Zoram sawrkar hian kumtin MCS leh MPS 10 vel regular takin an la thin a, an service condition pawh AIS ang thuak a nih vangin heng Officer te hi zoram chhungah an awm thei a. AIS te aiin zoramah In leh Lo ngialnghet tak an din thei zawk a, chhungkhat laina leh vua leh vangte kawng engkimah an tanpui thei a, promotion pawh a chak ve tho. Tluang taka service chuan kum 20-25 hnuah IAS leh IPS-ah an promote thin. Chuvangin AIS-a luta state danga khawlum leh hrehawm tak taka hnathawh ai chuan, state civil service te hi an thlang zawk thin. He khawvela kan chamchhung hian In leh Lo leh nupui fanaute hi an pawimawh khawp mai, amaherawhchu retheite leh chanhaite dawmkana mihring pangngai anga an khawsak ve theih nan hmalaksak hi a pawimawh ber fo. Chutiang ti thei tur chuan civil service-a luh a ngai a ni. 



Ka hmuh dan leh tawnhriat erawh a dang daih. Kum 2000 vel atang khan IAS leh IPS probationer te chu, district training lai pawhin khawlum hrehawm an tuar ve tawh lo. Circuit House-ah AC(Air Codition) room-ah an awm a, an vehicle pawh AC a ni. Pawn lamah khawlum em em, 40-46 degree celcius ni mahse room leh vehicle chhungah chuan duh leh 18-20 degree-ah an dah a, khawlum hrehawm an tuar tawh lo. Chutiang facility an neih bakah vairampurah chuan direct IAS leh IPS te hi, mipui mimirten an zahin an ngaisang em em bawk si. Mussorie-ah kum khat professional training hnuah kum khat dang district training an zawh veleh civil SDO an ni nghal. Quarter nuam leh compound zau tak, 24 hours PSO, cook, peon leh gate vengtu Police te nen lam pek vek an ni. Vairampurah chuan zorama service aiin an Lal zawk a, naupangte ni mah se VIP an ni tlat. 
MCS leh MPS te chu IAS leh IPS-a promotion hmuin Super time scale (secy level) thleng thei mah se, sawrkara a meizang hlaptu, Principal secy, leh ADGP level 15(HAG), Chief Secy leh DGP(Apex scale) an kai thei lo. Engvangin maw?E le, heng higher post an kai hmain kum 60 an tling a, an penson a hun tawh thin. AIS service officer tan level 15 ni turin IAS leh IPS service kum 25 a ngai a,CS leh DGP(apex scale) ni turin kum 30 service a ngai tlat. Chuvangin heng dinhmuna ding thei tur chuan UPSC exam paltlang a ngai a, State service te aichuan an kum a naupan zawk vangin service an nei tam zawk reng a ni. Hei vang hi a ni, print leh social media-ah zofaten UPSC exam hi bawkhuk rawh u, tia ka au ve sek reng thin ni. MCS leh MPS te hi zorama an service theih avangin tamtakten a thlang zawk a ni awm e. Ni e, he service hi a tha em em a, zoram leh zofate tan hna pawimawh tak tak thawh theihna a ni. Amaherawhchu state govt leh central govt Ministry hrang hranga a top ni tur chuan UPSC exam paltlang ngeia IAS,IPS leh IFS sual chhuah hi a kawng awmchhun a ni. 

UPSC ka exam hma leh hnu, vawiin ni thleng hian mi tamtakten School, College leh University thaa kal ve lo tan UPSC exam paltlang theih a ni lo, tiin an sawi thin. Inti thei leh insawi bora-ah min ngai lo ula, kei hi chutiang zirna thaa kal ka ni ve lo. Pawl 4, 7 leh matric chauh reular-in ka zir a, chu lah private middle school leh private high school-ah te an ni. Pawl 5 leh pawl 6 chu hlo thlo chungin Chhingchhip-ah private school-a pass ka ni bawk. Pawl 7 ka pass hnu khan chhungkaw harsatna avangin ka zir zawm thei lo va, kum khat hlo ka thlawh bakah kum khat dang CP Labour (kawnglai) hnathawkin Chhingchhipah ka inhlawh fa. Kum hnih hnuah ka thianten matric an lo zir tan tawh a, zir ve ka chak avangin pawl sarih ka pass-na, St.Peter’s High School Chhingchhipa headmaster, Brother Joseph a hnenah pawl 8 leh 9 bawhkanin thiante zingah matric zir ve tura ka ngen chiam vangin min phalsak hram a nih kha. Assam Board a nihlai a ni a, ka pass ve mial! Aizawl College private a nih lai leh zan lam chauh a nih lai khan, chhuna sawrkar hnathawk chungin BA Hns ka pass ve . Graduate ka nih veleh coaching kal lovin UPSC exam turin ka inbuatsaih a, interview hma pawhin coaching ka kal lo bawk. Vawi khatnaah IAS tling pha lovin IA&AS ka hling fuh ve hram. A vawihnihna ah khawngaiha chhandam (Tribal Quota) niin IAS ka inziak tling ve ta a ni. Ka hel nuai a ni ber mai. Bihar Cadre ka chang lehnghal. Lalooa hnuaiah district 3-ah DC hna ka’n thawk phei chu, “Meidil pate” a ni ringawt. A hrehawmzia leh a changa a nawm ve lawizia thuin ka hril seng lo. 

Tun hma chuan khawpuia khawsa thei fanu te leh fapa te AIS leh Central Service ah thleng an sual chhuak thin hreawm takin, nimahsela thingtlang atanga kum tin loneitu faten thi leh thau pawlha zirtute IAS leh IPS an tling hnem zawk. Anni te khan reitheihna, rualawhna leh harsa chung chungin rual an el a, chuvangin IAS leh IPS hnathawkin India ram state hmun hrang hrangah mirethei zawkte harsatna an lo sukiang thin a. Missionary te ai mahin sakhuana leh Gospel propagation-ah an thawhhlawk a, Mizo missionary-te leh hna dang dang thawka India hmun hrang hranga awmte tan pawh tanpuitu hnai reng an ni. Chu chu he thuziaktu pawh hian Bihar leh UP-a missionary ten buaina an tawh changin a lo chhan ve thin a ni. Missionary te missionary a ni ve thin. UPSC hi MCS aiin a harsa ngei mai nimahsela tih hramna nun, tumruhna nena inthuam a ngai a, leh zirna piantharna neitute tan chuan thil harsa a ni lo. Chuvangin Civil Service, State or AIS hian a hawl zau zawk a. Departmental officers ho chu anmahni department-ah officer niin an retire thin a, an role hi a limit. Civil Service officer te erawhchu department hrang hrangah a meizanghlaptu annih avangin knowledge zau tura beisei an ni. Chuvangin Civil service officer te chu all round development an ni tur a ni a, ram leh state hmasawnna tur an thawhna theuhah Council of Ministers ten an proposal an hnial thin lo ( India ram leh state tana hmasawnna a nih chuan). 



College leh University thaa kal theih chuan a tluk a awm lo. Amaherawhchu kal ve thei lote tan pawh UPSC exam hi hmachhawn a huphurh awm miah lo. Tunlaiah phei chuan In tinah TV a awm tawh a, Social media-ah India ram leh khawvel University tha ber bera zirna puitu tur note tha tak tak a download theih tawh bawk. A pawimawh ber chu, tumruhna, tih hramna nun neih hi a ni. Tin ngaiteh, thlarau thianghlima thuam famkim leh piangthar ni lo mah la, zirnaah erawh i piangthar ngei tur a ni. Kei ve mai mai hi IAS ka inziah tlin theih chuan, nangni, zirna tha leh facility nei tha te chuan UPSC exam in paltlang thei vek, tih hi hre nawn leh ula, bawh huk rawh u. Kum hnih khat kalta atang khan Sawrkar pawhin AIS leh central cervice-ah zofate hming a lang ta lo hi a vei takmeuh ta. NGO hrang hrangte leh mipui mimir pawhin duhsakna sangber an hlan a, MZP phei chuan Awareness compaign an buaipui reng bawk. Sawrkar pawhin UPSC exam-a inbuatsaih turin cash incentive bakah India rama coaching thate nen a line-up tawh. Hei hi tih takzetin hmang tangkai rawh u khai. Remchanna umzel rawh u, tih ziak angin. 

Kum 2013 atangin kumtin AIS tling lova kan Arte-lukawn ziah thin hi hrawka saruh tâng ang maia kan vei a hun tawh takzet. UPSC exam paltlang kan awm tak loh chhan leh vang, dik deuh mai chu hei hi a ni. Rual u zawkten thi leh thau senga theihtawpa an zir ang khan tunlai thangthar tamzawkte hian in zir ve peih lo.Huau huau leh hut hut lamah kan thalaite in inhman nasat vang a ni bawk. Idol, Icon, MISS thlan, talent search leh zai lamah te an inhman nasat vang a niin ka hria. Heng inelna te hi ka sawichhia a ni lova, zofate zingah eizawnna kawng hrang hrang zawhtu kan awm a ngai. Idol etc-ah pawh participant te chu kan hlut tur pawh a ni. Amaherawhchu a changtu ni ve hawt si lova a behbawma a inhmang nasa te hian, eizawnna lama tangkaina nei miah si lova hun hlu tak in hmangral thin hian zirnaa rual el a ti sukuk a nih hi. Kan hetih vang hi a ni, India rama inelna sangber berah zofate hming a lan ve ngai tak loh. 

Korean life style, incheina leh an film dukdak lo ten kan society a luah hneh lutuk pawh hi, zirna leh rualelnaa kan thanmawhbawk a ni. Hetiang nun puarpawleng mai mai entawn hian ram ropui min hruai thleng dawn miah lo. Local TV channel te lahin sum leh pai an hmuhna a nih phawt chuan khawchhak film te mizo tawnga dubbing-in an chhuah sek lehnghal! Hei hian kan thalaite nun da-hlauah a hruai mek a ni. Hetiang mai maia hun hlu tak hmanral aichuan, eizawnna nghet leh zahawm, nupui fanaute leh chhungkhat lainate tana chhenfakawm thawk thei tura inbuatsaih a pawimawh fe zawk. Mi zawng zawng civil service officer kan ni vek thei lova, eizawnna kawng hrang hrang, business, agriculture, Doctor, Engineer, Military Service Zirtirtu etc hna te a pawimawh em em vek. UPSC exam-a kan inziahtlin theih lohna chhan leh vang dang leh chu, social media lamah kan lehkhathiamten an hun hlu tak an hmaral vang a ni bawk. Puipun nikhua leh an hun awl neih hlekah FB leh whatsapp an buaipui a, zoram khawtin leh hmuntinah kalin han hawi vel mah teh. Tleirawl, nula tlangval, nupui pasal pawmlai nei mekte bakah kum 60 chuang tawhte pawhin an hun hmanralna ber chu mobile khawih neuh neuh hi a ni. Internet hmang tangkai tak tak te awm mahse a tamzawkte hmandan hian hmasawnna kawng a kawk mawlh lo. 

Kan nula tlangval, leh thalai lehkha thiam te hian in nun hi her danglam u la, India rama inelna sang ber bera inziaktling turin inbuatsaih vat rawh u. UPSC leh inelna sang ber bera tling tur chuan knowledge zau a pawimawh hmasa ber. Vai changkang te tihdanin,+2 zirlai atangin inbuatsaih tan tur a ni. National news paper te, monthly magazine hrang hrang te, Ministry of defence thlatin tihchhuah Stragetic Journal te, International Monetary Fund lekkhabu te, world Bank-ten ram hrang hrang an finance dan chungchangte regular taka chhiar a ngai. India ram economy bakah khawvel thang zel te hre turin in hriatna ti zau rawh u. Kan hriat theuh angin UPSC question paper-a General Studiesah hian subject hrang hrang, economic, History, Polity, Geography, Disaster management, Envoronment, aptitude, reasoning etc(subjecttin chawhchawrawi) hriat a tul a, hei hi candidate te all round knowledge test-na pawimawh ber a ni. General stuties subject hi thlahnih khat chhunga in-prepare theih a ni lo. Regular taka kum hnih kum thum chhiar a pawimawh khawp mai. Main exam question-te han chinglet la, chutah chuan polity hi a pawimawhzia leh mark a ken hnemzia i hmu ang. Chuvangin Indian constitution chipchiar taka ziahna lehkhabu hrang hrang chhiarin hriatbel hle a ngai. Indian constitution hi federal leh unitary chawhchawrawi a ni. Federalism chu Canada leh USA constitution atanga lak a ni a, unitarism erawh Ireland leh British atanga lak a ni ve thung. Heng lehkhabu te hi India rama an Embassy, New Delhi atangin copy a lei theih. 

Optional subject hi graduate level a nih vangin har vak lo turah ngai u la mahse topic lar deuh deuhte chu extensive leh intensive-a zir tur a ni. English erawh qualifying chauh anih vangin graduate tawh tan a har miah lo. Amaherawhchu essay hi a pawimawh em em a, saptawng thiam leh thiam lo hriatna anih bakah topic eng pawh chiang takin i sawichhuak/ ziakchhuak thiam em, tih hriatna a ni. Kum 10 chhunga UPSC question chah ula, chu chu base-ah hmangin study material collect tur. Darkar 24ah darkar 10 tal zir ngei ngei ula, writing practise ti bawk rawh u. MA leh BA angin text book a awm ve lo va, zawhna chhan dan pawh a dang bawk. Zawhna pangngai ang thlip thlep an set nawn ve ngai lo. Answer paper-ah pawh critical analysis ziah telin mark a score bik. 

Clement Liankunga, IAS(Rtd) Central India policy, Citizen Amenmend Bill hi Parliament-ah an pass phei chuan North East state zingah zoram hian kan tuar ve ngei ang. Kum 2011 census khan zoramah Chakma 90,000+ an awm tawh a, zoram population zawng zawng atangin 9% zet an ni tawh lehnghal! Mihring inthlahchhawn dan aiin 30% velin an pung tawh hial. Kum 2018 thleng khan engzat takin pung tawh ang maw? CADC an nei leh nghal. Mamit, Kolasib,Lunglei leh Aizawl district-ah te lah BRU ho an huangtau em em a, zoram chhunga awmsa te chhiar tel loh pawhin Tripura-a camp-ah pawh sing chuang lai voter an awm tawh. Tun atanga thanghnih lian a lo liam leh meuh chuan Chakma leh Bru te hian min pawlh hneh tawh hle ang. Chuvangin a tam thei ang ber zofate hi AIS etc-a luh a ngai a ni. DC leh SP te hian an duha an ngam phawt chuan zorama illegal migrant te dan angin an detect thei a, an hnawtchhuak thei bawk. Sawrkarin green signal a pek phawt chuan. Chu hna pawimawh tak thawk tur chuan Awze mi DC te aiin zofa DC ten zoram leh zofate an humhim thei zawk ngei ang. Awze mite chu zoramah kum hnih kum thum an awm chauh tihin state dangah an transfer thin. Kan rama hna an thawh chhung pawhin hun pass(time killing) nan an hmang a, leilung fate angin thahnem ngai leh tih takzetin hna an thawk ngai meuh lo. State danga chhuah thuai thuai tumin N.Delhi-ah thuneitute an hmu sek thin. Chakma, Bru leh hnamdang ten min chimralna dang tur chuan zofate hi a tam thei ang ber civil service-ah lut ila. Chuti a nih loh chuan kan tu leh fate hi Chakma leh Bru officer te hnuaiah ti dekin an la kun ngei ang. Harh rawh. 

Zoramah zofate aiin Awze mite hna pawimawh chelh an tam tial tial a, a meizanghlaptu, CS, Principal secy leh ADGP leh DGP post-te pawh zofa ten kan chelh thei ta lo. Chuvangin nula, tlangval, la naupang deuh pathlawi leh nuthlawi te pawh insangmar ula, UPSC exam turin inbuatsaih sup sup rawh u khai. Theihtawpa beih hnuah IAS, IPS leh IFS tling lo palh mah ula, central service, IRS, ICAS, Indian Custom & Excise service, IA&AS etc te pawh AIS ang thova India rama hna sâng ber pawl an ni. IA&AS leh ICAS phei chu hmun kilkhawr, sub-division-a posting ve lovin, state capital leh New Delhiah te chauh an post thin. Mahni stateah pawh duh chuan deputation-in a chhuah theih bawk si. Hmeichhe nauno pawmte tan phei chuan a tha hlei hlei lehnghal! Insawn sek a ngai ve si lo. 


UPSC exam-a tling tur chuan tunlai nula leh tlangval tamtakte hri vei, drugs leh ruihtheih ngawlvei nen a intuha miah lo. Ngawlveite phei chu, nung reng chunga thi (living dead) an ni. Officer nih in tum chuan he ngawlveina hi hmelma lian ber a ni. Chuvangin in taksa ti thianghlim ula, Biak Inah zuk leh hmuam leh ruihtheih thil kan ti ngai lo a ni lawm ni? Biak In aiin in taksa kha Pathian in pawimawh zawk a ni. Ruihtheihin a tihbuai tawh mi hlawhtling an awm thei lo. Fimkhur reng rawh u. I zirlaiah i inhlan tak tak a nih chuan ho mai maia hun khawhralna hman a awm lova, ruihhlo buaipuina hun pawh a awm bawk hek lo. I hunawl neih veleh lehkhabu kawmngeih vat thin ang che. Idle brain Is Devil workshop tih a ni tlat. Healthy mind dwells only in healthy body, tih pawh hi thudik chiang lutuk a ni bawk. Nula tlangval in ni a, ngaihzawng leh hmel duhzawng in nei ngei ang mahse Eden parmawi (sex) hi nupui pasal neih hmain thliak suh u. Officer in nih hunah he 'thil' hi in duh tawkin inluhchilh dawn nia, But not before marriage. Sex hi drugs ang deuh a ni a, a tem tawh chu an intemvir laklawh a, luhchilh an tum zel, chu chuan an rilru zawng zawng a luah tawh vangin lehkhazir lamah an inhmang pumhlum thei thin lo. Khawvel Lal ropui tak tak te pawhin dik lo leh bonra taka sex an hman thin avangin an lalna an hloh va, an thih phah hial thin. A hun hmaa sex hman leh dik lo taka hman chu chhiatna bul a a ni a, damchhungin hringnunah ser rehthei lo a awm phah. Dik taka hman erawh dinchhuahna leh hlimna a ni. Kan Lal Isua pawhin Kana khuaah inneihna kha a lawmpui kha. Drugs, ruihtheih ngawlvei leh bonra taka sex hmang thin, chhungte tana hnawk leh tahna ti tamtu te an thih dawn darkara piangtharte chu an lawmpui awm ngei e mahse mi hlawhtling leh officer-te piantharnaah kan Pa Vana mi a lawm zawk maithei asin? (Tunlai thu lar tak hmang ve ang. Chawngkhum dan tlang huat loh) Civil Service Officer nih i duh chuan huau huau leh hut hutah leh, Icon, Idol, Korean life style etc ah i hun hlu tak i hmangral tur a ni lo. 

Social activity, KTP, leh kohhranah pawh a mawi tawkin in hmang ula, zirna ti bahlah phah turin inhmang suh u.Nu leh pa theih ang anga inpuih bak chu lehkhazir ringawt rawh u. UPSC hmachhawn tur chuan knowledge zau a pawimawh a, national news paper bakah magazine regular takin chhiar ang che u.Hengah te hian news chauh ni lo, subject dang zawng zawng a kim vek a chu chu General Studies-ah a pawi mawh. All round development nih tum rawh u. AIS leh Central service-a a tam thei ang ber zofate lut ve tura ka ngen avangin service dang, IMA, NDA te, Engineer te, MBA, doctor, IIT etc te zawm lo turin ka sawina a ni lo. Heng service-a lut leh zirchhuak te hi mi hratkhawkheng an ni a, an kalna fieldah ngat chuan AIS te aiin an hniam bik lo. |henkhatte phei chu India ram chauh ni lo, khawvela mi hlawhtling leh mi ropui ber ber te an ni hial hlawm. Amaherawhchu AIS service chu mirethei ber berte chawikanna remchang ber a ni a, mihausa te chungah pawh dikna Laltiang vaitute an ni bawk. 



Clement Liankunga, IAS(Rtd) Rajasthan state-a Meena tribal te khu engvang leh engati nge kumtin pahnih pathum IAS leh IPS an tlin bik ziah a, tibal quota 7 and half % atanga hmun thuma thena hmunhnih an hui bik ziah? Kum 1975 vel atang khan college leh university-ah UPSC exam oriented syllabus an inzirtir a, an university tha bik zualah te coaching centre an hawng a, accommodation free, tuition free a ni. Sawrkarin honorarium pe-in universitya professor leh associate professor thiam leh tuibikten an vil chawt mai a ni. Coaching-a kalte sawrkarin scholarship an pek avangin mess fee erawh an chawi thung. UPSC exam-na tura topic leh subject pawimawh note tha tak tak leh study material free-in an pe a, lehkhabute pawh university Library atangin duh duh an hawh thei bawk. Hetianga facility an pek avangin kumtin Meena tribal ho hian India rama tribal quota atangin kumtin hmunthuma thena hmunhnih an luahkhat zel nia! IAS ka tlin ve kum pawh khan tribal 9 kan ni a, Meena tribal 4 an tling bik. Unau pahnih inchhangbung an ni a, a naupang ber pawh IPS a tling ve tho. Kan sawrkar hian Rajasthan state hmalakna angin hma la ve se. MZU-a professor leh associate professor thiam leh competition-a tuimi te ruaiin coaching centre hawng ve se la. Chutianga an tih theih chuan Rajasthan Meena tribal ho kan tluk lohna tur a awm bik lo. 

UPSC inbuatsaihna tura lehkhabu i collect te kha, i keu phatin i huphurhin i bangbo a ni mathei. Mahse he khawvela rilru lam zirmi leh ziaktu hmingthang, Marie T Russel ziak "You can become whatever you wanted to be but these are reserved only for those who never gives up" tih hi Bible chang pawimawh angin vawng reng rawh u. 

Clement Liankunga, IAS(Rtd) 
Chaltlang, Aizawl 

No comments:

Post a Comment

Post Bottom Ad