India milar Google-a zawn hlawh ber chu Sunny Leone bawk a la ni - TIMES OF MIZORAM

Breaking

Home Top Ad

Post Top Ad

India milar Google-a zawn hlawh ber chu Sunny Leone bawk a la ni

Most Googled Celebrities in India list an tichhuak leh ta a, India Prime Minister Narendra Modi te leh Bollywood superstar Salman Khan leh Shah Rukh Khan te pawh lehpel vekin, actress Sunny Leone bawk a No.1 leh ta. 

Google Trends' analytics-in a tarlan danin Google-a Sunny Leone leh a kaihhnawih zawngtute hian a video bakah a biopic series 'Karenjit Kaur: The Untold Story Of Sunny Leone' chu an zawng nasa ber a, chubakah Sunny Leone zawng nasa zualtu te chu India hmarchhak state, a bik takin Manipur leh Assam a chengte an nih thu an tarlang bawk. 



No.1 a nih leh tak chungchangah Sunny Leone chuan, "Ka team ten he chanchinthar hi min hrilh a, hei hi ka fans, engtik lai pawha ka tana awm rengte vang chauh a ni. A nuam thin e," a ti. Sunny Leone hi nikum pawh khan Most Googled Celebrities in India list-ah hian a No.1 tawh a, nikum hmasaah pawh a No.1 tawh a, a kum hmasa-lehah pawh! 

Sunny Leone hi May ni 13, 1981 a piang a ni a, a laiah hming chu Karenjit Kaur Vohra a ni a, 'Sunny Leone' hi a stage name niin, hei hi khawvelin a hriatna a ni ta zawk a ni. Indian Canadian niin, Sarnia, Ontario, Canada-a piang a ni a, Amarican khualehtui nihna a nei bawk. Actress leh model niin, a hun hmasa lamah ti-deuh-kengkung film-ah te a chang thin a, 2011 khan India-a reality show Big Boss-ah inlanin, India-ah a lar tan a, reality show Splitvilla a host zui leh ta bawk. 2012-ah Bollywoodah intat lutin 'Jism 2'-ah a inlan a, heta tang hian India-ah a kum telin a lar zual ta zel a ni. ~The Aizawl Post







No comments:

Post a Comment

Post Bottom Ad