Hepatitis hi chi hrang hrang ie: Hep A, Hep-B,Hep-C,Hep-D leh Hep- E te an awm a, Virus natna hrik in an thlen, thin vung natna thlen thei vek an ni. Zu in nasat avanga thinvung natna chi Alcoholic hepatitis a la awm hran leh cheu bawk.

Kan taksa a he hepatitis B natna hrik Virus (HBV) a lo luh  hian chawlhkar engemaw chen chu (thla 6 thleng pawh) lang chhuak miah lo vin an biru bo vang vang thei.Hepatitis B Virus hi tihdamna tur damdawi a awm miah lova, enkawl theih erawh chu a ni thung.He Virus kai aá¹­anga a kâr 6na leh thla 6na inkâr eng hun ah pawh a symptom alo lang chhuak thei. Chan chinthar lawmawm tak mai awm chu: Hep B Virus venna Vaccine hmuh chhuah a lo ni ta hi a ni a, Tin, Hepatitis B veiten nitin coffee no 2 an in chuan Virus hnathawh kal lai a timuang theiin thin(liver) chhe mai tur a ti muangchang thei tih hriatchhuah a ni bawk.Hep B venna vaccine la te chuan inkaichhawn hlauhthawnna eng mah nei lovin sex an hmang thei thung a ni.

 A INKAIDARH THEIH DAN TE

 1 .Hep B vei,inhre silo te nena Sex hman.Hei hi he nat na darhna chhan bulpui deuh ber a ni.
 2. Serh in fawh sak (Oral sex) hman.
 3. Thisen thiang hlimlo,(enfiahloh) inpek leh dawn palh.
 4. Confom hmang silova mi hrang hrang mutpui/pawl.
 5. Mawngkaw hur te nen a Anal sex hman.
 6. Inchiauna hriau thianghlimlo in hman á¹­awm.
 7. Nu in a nau paiah a kaichhawng awlsam hle.
 8. Nau chhartu Nurse ten he hri kaina chance hi an nei sâng hle bawk.            

He natna hri Hep B hrik pai natpui vak silo, an hmel a en leh an chetdana lang bawk silo (healthy carrier) te hi a tidarhtu bulpui ber te chu an ni a, nawhchizuar te,zin veivak tam ho te, jail tângte, taxi leh bus, truck drivers ho te hi highrisk group an ni.
         India ram bikah he natna hri kaithar hi kumtin mi makta duai khat zet an awm á¹­hin a, A darh chak hle ani.

HE HRI KAITE AH A LO LAN CHHUAH DAN

Hep B Virus hri kai zinga 5% chuan Thin natna( liver damage) an nei ṭhin a, An thin a ro chhe vek (Cirrhosis) emaw, Thin Cancer emaw an nei ṭhin.95% te erawh chu an ṭha chhuak veleh mai.Thla 6 aia rei he hri veite chu an benvawn(chronic) ṭhin a, enkawl loh chuan Thinro leh Thin Cancer an hmabak a ni deuh mai.A vei 15 -40% te chu an vei nghet Chronic a ngaih ani a,kum 20 - 30 te an vei chuan THIN HLIAM, THIN RO LEH THIN CANCER neihna chance a sâng hle tawh ani. He hri kai mi 60% te erawh chuan an vei tih an inhre mai ngailo leh nghal.He natna veite chu:-

1. An pum a nâ a,an khua sik a,an ruh chuktuah vel a nâ a,an zun a tak thei hle.
2. An chawei a tui lovin chawei châkna an nei lova,Chau leh luakchhuak burin an awm ṭhin.
3. An mit leh vun a lo eng(yellow) á¹­hin bawk.

Hahchhiau leh khuh te, inkuah leh hnute tui  aá¹­angte, infawh satliah(dry kissing) te, thawm hnaw inhâk á¹­awm leh chaweina bung bel in hman á¹­awm, mut hona aá¹­angte in a in kaidarh theih lohva ngaih ani.

INVENNA LAM
 1. Nundan fimkhur hle a poimawh.Mi  nazawng, chin hriat loh mutpui mai mai hi he hri kaina bul ber chu ani.
 2. Hep B hi thisen exam in a hriat a awlsam ber a, he hri vei zinga 5-20% te chuan thinro Cirrhosis an nei á¹­hin.
 3. Mitinin Hep B venna  Vaccine voi 3 lak mai hi invenna kawng á¹­ha tak ani.A thlawna lak turin Sorkarin Health deptt. Kaltlangin a rawn chhawpchhuak mek ani.He invenna hian 90% te chu a vengá¹­ha hle ah ngaih ani.

HEP B VEITE ENKAWLNANA DAMDAWI HMAN LAR TE

1 Ente Cavir(Bara clude)
2.Tenofovir( Viread)
3.Lamivudine(Epivir)
4.Alefovir(Hepsera)
5.Telbivudine(Tyzeka)   
6.Intron A(interferon Alfa-2a)  for children
6.Pegasys(Peg interferon Alfa 2a)for adult.etc.etc.
7. Anti Viral Therapy.Liver biopsy aá¹­angin thin a chhiat nasat keh nasatloh a hriat a awlsam ber.

Heng dam dawi kan sawite hi Doctor thiam chinte chauhvin a hman tur an ni a, Hep B Virus do tura taksa leh thin tihchakna lam chi te an ni ber.Thin chhe zel tur venna an ni tel bawk.Hep B Virus hrik pai te chuan thil tuiril (fluids) lam chi a tam thei ang ber an in a á¹­ul.Tui thiang hlim hi taksa aá¹­anga natna hrik leh bawlhhlawh paih chhuahna hmanraw á¹­angkai ber anih avangin in tam luat a awm lovang.

 EI LEH IN ATANA ṬHA TE:-
1. Coffee te,Thingpui, milk, Grapes, Blue berries,Cran berrIes, Pear, Beet root juice,thlairah leh an hnah te.
2.FLUIDS lam chi squash etc etc.

 HEP B HRI VEITE TANA TIH LOH ATANA ṬHA TE:-

1.Zu leh ruihtheih thildang reng reng.
2.Zuk leh hnuam lam chi reng reng.Tiranga,gutkha,tuibur,Tobacco etc.
3. Sathau, vawksa thau, bawng thau, Ârvun thau leh kelsa thau, Butter,Cheese.
4.Bakery Cake, Chhangthlum leh mawm chi ho te, popcorn,fast foods leh cholesterol tisang thei chi reng reng.

Hepatitis B Virus hi Sexually Transmitted Disease (STD) chikhat a ni ve mai a,mifel nun uluk leh Pathian á¹­ih tlatna neimi te tan chuan kai palhna chance a tlem hle ani.

By: C.Thankima,
Media Officer,
HFW Deptt.G.O.M

Post a Comment

Powered by Blogger.