CHENNAIYIN FC-AH LIANZUALA A LUT

Lallianzuala Chhangte chu Indian Super League club Chennaiyin FC chuan an la fel a, Jeje Lalpekhlua te nen an khelho tawh dawn. 


Zohnuai, Lunglei tlangval hian kum 3 chhung atan contract a ziak a, engzat chiah nge a hlawh dawn tih tarlan ni lo mahse Mizo footballer hlawh tam zualte zingah a awm ngei dawn niin a lang. 


Winger È›uanrang kum 22 mi Lianzuala tum ber chu Europe club pangngai ve taka khelh a ni a, tunhnai khan Norway top division Eliteserien club Viking FK ah È›um hnih trial a lo nei tawh nghe nghe a ni. 

Lianzuala hian Europe club a luh hi a la tum ruh hle a, hei vang hian Chennaiyin FC nena an inremnaah pawh 'Europe a kalna remchang a hmuh phawt chuan a club hian eng hunah pawh an kaltir ang' tih an ziak tel nia sawi a ni. 

Hetih mek lai hian Lianzuala nau CVL Remtluanga chuan Delhi Dynamos senior team tana khel turin contract a ziak ve thung a, amah bakah hian SYS Football Academy ațanga inzir chhuak, Theiriat, Lunglei rawlthar defender S. Lalhrezuala pawhin Delhi Dynamos senior team ah contract a ziak ve bawk a ni.

@Lawmkima Hmar

Post a Comment

Powered by Blogger.