Shillong Lajong midfielder Samuel Lalmuanpuia chuan Indian Super League (ISL) club Kerala Blasters chu kum thum chhung atân a nghetin a zawm. Kum 21 a upa Mizo midfielder Samuel Lalmuanpuia Minerva Punjab chu AFC Cup khelh lâi khân loan in a lo zawm tawh bawk. 

Samuel-a hian Chandigarh Football Academy ah kum 6 aia tam hun a hman hnu in Lajong hi youth team player niin a zawm a, Lajong tân hian I-League ah U19 tân a in phawt a, kum 2016 khân DSK Shivajians an hmachhawn ṭumin I-league (senior team) ah a debut game a khel a ni.

Samuel Lalmuanpuia hi a dribbling skills leh deadball specialist anihna hian hriat a hlawh a, a corner leh free-kick pet a á¹­ha á¹­hin hle a ni. Shillong Lajong tan hian Muanpuia hian game 65 khelin goal 13 a khung a, assist vawi 7 a nei bawk. 

2017-18 season khân I-league Emerging Player of the Season ah thlan a ni a, captain armband te pawh hreng tawhin India Arrows player Amarjit Singh Kiyam hnu a I-League a leader ni thei naupang ber a ni nghe nghe. Kerala Blasters hian midfielder an nei ta nual a, Darren Caldeira, Moustapha, Mario Arques, Sergio Cidoncha leh Lalmuanpuia te an ni dâwn a ni.

Source: Rd Mawia Ralte

Post a Comment

Powered by Blogger.