Zunthlum (Blood sugar) Chungchang Hriatzauna - TIMES OF MIZORAM

Home Top Ad

Post Top Ad

Zunthlum (Blood sugar) Chungchang Hriatzauna

Zunthlum (Blood sugar) level hi a pangngaiah chuan (Zunthlum vei lovah):

Engmah ei hmain:
70 aţanga 110 mg / dl 

               leh,   

Chaw ei kham darkar hnih hnuah:
140 mg / dl aia hniam a ni a. 

Zunthlum natna hi inthlahchhawn theih a ni. Zunthlum natna nei tam zawkin an vei tirah zunthlum natna an nei tih an inhre lo. 
Thisen test chauhin a hriat theih a ni. 

Zunthlum natna enkawl loh hian: Kal ţhat lohna, heart attack, stroke, hriatna thazâm natna, mitdelna, pân dam thei lo, pumpui leh ril natna etc., a thlen thei a ni. 

Zunthlum natna laka i lo him theih nan:


1. Awm âwl lutuk suh la, insawizawi uar la, kein kal tam rawh. 

2. I thau lutuk loh nan leh i rih lutuk loh nan i taksa vawng ţha rawh. 

3. Vawi khatah chaw ei ţeuh chîng lo la, sathau mawm ei tlem rawh. 

4. Vitamin D tamna ei uar la, ni êng hnuaiah awm ve ţhin rawh. 

5. Thil thlum siam chawp leh carbohydrates tamna ei tlem rawh. 

6. Dietary fiber tamna thei leh thlai hnah tharlâm ei tam rawh.

7. Meizial zûk bansan tum rawh. 

8. Rilru hahdam taka awm tum rawh. 

9. Tuisik thianghlim in tam rawh. 

10. Bûra thil pack sa (processed food) ei tlem rawh. 

~Dr Lalkhawngaihsanga.

No comments:

Post a Comment

Post Bottom Ad