MIZORAM - MYANMAR BUS SERVICE TUR CHUNGCHANGA THUDIK - TIMES OF MIZORAM

Home Top Ad

Post Top Ad

MIZORAM - MYANMAR BUS SERVICE TUR CHUNGCHANGA THUDIK

Directorate of Transport-in RTI Act hmanga zawhna chhanna a siam hmanga Vanglaini Chanchinbu dt.1&2.9.2019 phek hma (front page) -a chhuak ‘Myanmar-a bus service turin Ministry of External Affairs lehkhain la dawr lo’ tih thupui hmanga a chhuah chungchangah Directorate of Transport Department chuan vawiin khan a hnuaia mi ang hian a sawifiah a ni :-

Vanglaini Dt. 1&2.9.2019 Front page a chhuak ‘Myanmar-a bus service turin Ministry of External Affairs lehkhain la dawr lo’ tih thupui hmanga chhuah kha RTI Act hmanga zawhna Transport Department, Directorate Level-a chhanna a niin thil hriatsual palh a awm niin a lang a. 

Myanmar-a Bus service tur chungchang hi Sorkar level-ah kalpui niin Minister of State, Transport Department Pu T.J.Lalnuntluanga chuan khatih hunlaia Union External Affairs Minister Pi Sushma Swaraj hnenah hmaichhanah leh lehkha No.DO.NO.MOS-PB/L&/PAD/TRP/EF&CC/7/2018/2 dt.1.02.2019 hmang hian a lo zu dawr tawh a. 

Union Minister Pi Sushma Swaraj chuan lehkha No.1141/EAM/2019 dt.12.02.2019 hmangin chhanna a rawn thawn a, Champhai-Tahan (Myanmar) Bus Service neih tha a tih thu leh hemi atana thil tul hrang hrang, Land Custom Station upgrade te leh thil tul dangah te hmalak nghal a nih tur thu leh Indian Embassy, Yangon te pawh a tul anga hma la tura hriattir nghal a nih thu a rawn sawi bawk a ni.

Bus service chungchang hi bawhzui zel niin Zofate inpawh lehzualna atan a tangkai dawn avangin a hlawhtlin ngei pawh beisei a ni. ~DIPR

No comments:

Post a Comment

Post Bottom Ad