NOMINATES -
NGO pâwl lian ber inthlang mai tura Nominates te chu heng mite hi an ni.
1. C V L Siama. ITI
2. Dr. Malsawmliana. Vaivakawn
3. Fabian Lalfakawma. Chawlhhmun
4. John Kima. Khatla
5. Lalhmachhuana. Chaltlang Lily Veng
6. Lalrochuanga Pachuau. Zarkawt
7. Peter Chhakchhuak. Maubawk
8. Prof, Lalnuntluanga Khatla West
9. Roneihthanga. Nursery Veng
10. R. Lalduhawma. Ramhlun South
11. R. Lalngheta. Hlimen
12. Vanlalfela. Tuikhuahtlang
13. Vanlalruata. Tuikual South
14. Zochhuana. Zemabawk
GS Post tih loh chu Post ngaia thlan theih vek an ni.
INTHLAN DÂN -
Central YMA inthlan danah hian Post pakhatah chuhtu awm ang chi kha a ni lova, Nominates te hi eng Post ah pawh thlan theih a ni. Mahse heti chung hian chuh bîk Post an nei vek a, ualau takin tlangzarh lo mahse Branch ang leh mimal angin tlin tumna Post an nei vek thung. Hetiang hi a lan dan an sawi dan a ni.
President - Vanlalruata Tuikual South
V.President -
Lalhmachhuana, Chaltlang Lily Veng
R. Lalngheta, Hlimen
General Secretary
Lalrochuanga Pachuau, Zarkawt
Peter Chhakchhuak, Maubawk
Prof, Lalnuntluanga, Khatla West
Asst Secretary-
Dr. Malsawmliana, Vaivakawn
Zochhuana, Zemabawk
Treasurer -
Fabian Lalfakawma, Chawlhhmun
Vanlalfela. Tuikhuahtlang
Fianance Secretary -
C V L Siama, ITI
John Kima, Khatla
Roneihthanga, Nursery Veng
R. Lalduhawma, Ramhlun South
MHIP inthlan ang em chu ni lo mahse Campaign a na hle mai. Whatsapp Status thlengin an thlalak kan hmang tan a, Vote tura ngenna kan tarlang ur ur bawk. Tlawmngai pawl a nih hi aw. An inthlang anga, tuna ka Post hi chhinchhiah ru, a danglam thui lovang!!
OB THAR TUR CHU -
President hi anmahni tawngkam takin chuhtu awm lovin a tling ang. A chhan chu Nominates te hi eng Post ah pawh thlan theih vek an nih laiin chuh bik Post an nei deuh vek thung. President Post hi chuh dang an awm lo tihna a ni thei.
YMA BELE BUT -
Tun Term hmang mektu te hian Rorel fel loh an nei ta fo mai. Republic Day Boycott pâwr takin an rel a, thuchhuah an siam a, mahse a saseh ah an pam tul leh a, Union Home Minister, Amit Shah lokal dawn khan NGO Coordination ah khaipa nita chu CAB chungchangah dodalna lo lantir an ti tlu a, mahse a saseh ah an pamtul leh bawk a, Chakma Census neih an rel hluai a, tun thlengin Census Result kan hmu ta lo. Issue lian tak tak rel sual, thulh leh an nei ta fo mai hi an hotute zum zuk vang leh dawn tawi vang a tih theih ang. YMA berin a tih tawh chu tlang taka kalpui ni thin kha a zek zuk ta fo mai.
AMC thawktute Office kal tur dan a nih khan ngaihdan ka nei tawh. YMA hi zirlai pawl ang maia nu but turah ka dah lo. Mahse tun hnaiah rêl sual, tlawlh an nei ta fo mai hi in enlet an ngai ve khawp mai. Heng ka sawi avang hian Electrict Supply hna chân vanga lungawi lo leh SRS avanga Truck nei nual tawh, khawsa lian ta em em SRS hotu an awm ka tihna a ni lo a nia!!
SRS -
Sawi kai tak ah chuan... An thawk tha thawt tih hi kan vuavang atang ringawt pawh hian ka hmu ve. Excise ho hian an hnungah an um ve dawr dawr lek fang a ni. Mahse, pawisa chawitir, Car mansak etc kawngah hian Dan ang aiin duhdan in ro an rel ve fo a, inkaihhruaina fumfe ta lo chu len phah viau awm pawh nise a mawh lovang. Englai mai pawha Volunteer tana Office sa nena chawhlui an buatsaih reng thei mai hi chu Income tha tak a awm a ni phawt mai. Tunlai phei chu inthlan kum nen hruaitute an pawk viau a ni awm e.
YMA THIANGHLIM SE -
MHIP ang em chu an la ni lo. Tlin duh vanga khawi Branch emaw Conference kalna Bus Hire sak te, hruaitu nih vanga Sorkara tlaktlum tum avanga thurel zum zuk thin te, mahni Term chhunga in hai vura Term tawp dawn lama MLA chuh tharh thin te kha T.Sangkunga hnu lamah chuan reh tawh se a lawmawm ngawt ang.
Pawldang felhlel deuh pawh khak ngam tur khawpa pawl zahawm, nihna chanvo a buai lo, Politics hmalam hun thlir ran chi hruaitu neilo, Kristianna nena in mawi thlap tur leh Ram kalsiam tura kan beisei chhun chu YMA chauh hi a ni.
~David Sailo
Post a Comment