MNF SAWRKARIN ADVERTISEMENT CHHUAH LOIN EDUCATION DEPT-AH THAWKTU 91 LA TAWH - TIMES OF MIZORAM

Home Top Ad

Post Top Ad

MNF SAWRKARIN ADVERTISEMENT CHHUAH LOIN EDUCATION DEPT-AH THAWKTU 91 LA TAWH

HnaruakMNF sawrkar hnu tun  thla 10 chhungin School  Education Department  chuan advertisement  chhuah loin thawktu mi 91  an la tawh a, heng mite  hlawh atana kum khata sen  tur hi cheng vaibelchhe  2.79 chuang a nih thu Congress  party chuan an sawi.  

MPCC Media department-  in thuthar  thehdarhtute an hrilh danin,  2018 December-a MNF-in  sawrkarna a chan atanga  thla 10 chhung, kumin  September thleng khan  School Education Department  hnuaiah advertisement  chhuah loa  hnathawktu lak 91 a awm  a. Heng zinga 36 chu SSA  Mission hnuaiah leh 55  chu RMSA Mission hnuaia  lak an ni. Advertisement  chhuah loa hnathawktu lak  zinga a tam zawk hi School  Education minister  Lalchhandama Ralte-in a  duhsak zawngte a thun a  ni tih an sawi.  


RTI dan hmanga an  zawhna chhan a nih danin,  December 2018 atanga  September 2019 chhungin  SSA Mission-ah thawktu  36 lak an ni a, advertisement  chhuah loa lak vek an  ni. SSA Mission hnuaiah  hemi hun chhung hian advertisement  chhuah thlapa  thawktu lak an awm lo a,  advertisement chhuah loa  thawktu lak a nih chhan  zawhna chu, "Recruitment  Rules kan neih loh vangin"  tih a ni. 

Heng thawktu lak  thar 36 zinga 16-te chu an  permanent post-a awm loa  hmundanga attach nghal  an ni, an ti.  "SSA-a advertisement  chhuah loa thawktu 36  lakte hlawhah hian kum  khatah Rs. 10,080,000 a  kal ral dawn a. SSA Mission  hnuaiah hian MNF  sawrkar atangin  hnathawktu 49 transfer an  ni tawh bawk," MPCC  Media chairman  Lallianchhunga chuan a ti.

He thla 10 chhung hian RMSA hnuaiah hnathawktu 87 lak a ni bawk tih sawiin, heng zinga 32 hi advertisement tihchhuaha lak, a bak 55 chu advertisement chhuah loa lak an ni a. An zingah hian IV Grade pakhat tih loh chu high school leh HSS zirtirtu vek an ni, an ti. SSA leh RMSA hnuaia advertisement chhuah loa lakte kum khat hlawha kal tur hi Rs. 27,972,000 a ni tih an sawi bawk. 


Zirtirtu lak chungchangah Education minister-in induhsakna a awm loh tur thu a sawi fo tawh thin thu te, RMSA zirtirtu 32 lakna tur advertisement tihchhuah a ni tho laia RR awmlo chhuanlama advertisement chhuah loa zirtirtu leh thawktu dang, a mi duhsak zawng 91 mipui nawlpui hriat loha a la leh si chu mak an tih thu MPCC chuan an sawi a ni. 

Zirtirtu atana thingtlanga awm tura lak thar, khawpui lama attached- a dah nghal an ni leh si nia sawiin, "Education minister-in thingtlang thleng phak Education Gospel kalpui kan tum, a tih thin chu a dik loh zia a langchiangah kan ngai a. Tunhnaia sawrkarin MRa thawk tur zirtirtu 881 a lak tharah MNF hruaitute leh party mipuiten Education minister an ring zo lo kha a awm hle ah kan ngai," MPCC Media chairman chuan a ti. ~The Aizawl Post

No comments:

Post a Comment

Post Bottom Ad