PA CHHUANAWM PU V. VANMAWIA AIZAWL DINTHAR VENG - TIMES OF MIZORAM

Home Top Ad

Post Top Ad

PA CHHUANAWM PU V. VANMAWIA AIZAWL DINTHAR VENG

Tunhma lamah Motor hman tur duh reng rengin a lo awm ve tawh thin a, Motor ka neih ve hun chuan Mi harsate tan a thlawnin ka service ang, a lo ti rilru thin tawh reng a, chu chu a takin a kalpui ta a ni.

Pu Vanmawia hi Thusawi thiamlo, Tha leh zung senga rawngbawlna luhchilh mi a ni a, camping naah pawh thawk thawr chi a ni.

Zofate, abik takin Thalai sualin a tihbuai nasat zia hi a vei em em thin a, heng ho buaipui hi a rawngbawlnaah a ngai hmiah a, a theih ang angin a buaipui thin a ni.

Mi rethei leh harsa zawkte hi a vei thei hle bawk a, Motor chu a nei ve ta mai a, kum 2017 atang daih tawh khan Rethei leh harsa zawk, Damlo hruai ngai, Taxi hmanna nei remchanglo tan a Motor ( Car) chu a duh leh mamawh tan a thlawn a hruai leh koh theih reng a nih thu Dinthar Aw ah a tarlang tawh a ni.


Hei hi mi tam takin an chhawr tangkai hle mai a, A motor hi amah ngeiin khalhin zanlai pawh nise Tlawmngai takin a hruai zel a, Damdawi Inah pawh a buaipui zel a, phurh haw ngai pawh nise a phur haw leh thlap zel a ni.

A inpekna hi veng bik awm lovin Aizawl ami chu a hruai thei vek a, Amah hi Dinthar venga awm a ni.

A kumte pawh alo upa ve tawh nain vawiin thleng hian he tanpuina hna hi ala thawk reng a, A mamawhte chuan a phone No 9436351569 ah hian biak theih reng a ni e.

Mi tamtak ten motor pa 4/5 lai an neih pawha an tihtheih loh titu Pu Vanmawia hi ava ropuiin ava chhuanawm tak em ! Ama motor mai bakah amah ngeiin a hruai zel bawk te hi a ropuina tizualtu ava ni tak em !

DAM RENG SELA, TISA LEH THLARAUVAH LALPAN MALSAWM AWN AWN RAWH SE.

Albert Gangte

No comments:

Post a Comment

Post Bottom Ad