KAWLBAHRA THATNA -Dr. C. Lalrampana - TIMES OF MIZORAM

Breaking

Home Top Ad

Post Top Ad

KAWLBAHRA THATNA -Dr. C. Lalrampana

A KAMKEUNA

Bachhīm ang ēm chuan fak tlawr a ngai lem lo ang chu maw! Mahse, kawlbahra hi mihring hrisel na atan kawng hramg hranga a that avangin i han bel chiang teh ang.

Kãwlbahra hi saptawng chuan 'Sweet potato' an ti a, Hindi chuan ' Mitha alu' (Alu thlum chi) an ti a; North America-ah chuan "Yam' an ti veleh daih thung. Bahra chu kan hria a; tãm tlak lai phei chuan chaw atama rinpui berah kan hmang thin a nih kha! Kawlbahra hi khawchhak kãwlhovin an rawn ken thlak atanga kan neih tan nge 'Kãwl-bahra' hming kan vuah kher kher tih hi a tobul ka hre mai bik hauh lo. Sapho leh Hindu-hovin Alu thlum chi tia an vuah hi a dik hmel fū mai! Han ei ila chini telh ngai lovin a thlum sa tlat.


A AWM TAN HUN
Kum 5000 kal ta vel atang khan Central leh South America-ahte an ching tan tawh nia hriat a ni a. Tichuan, 2500 BC vel khan Caribean leh venezuala-ahte a lo darh zau zel nia hriat a ni. Tunah phei chuan khawvel hmun hrang hrangah a lo darh zau ta zel a ni. Hrui ang maia zãm darh chi a ni a; lei tha vak lovah pawh a tha duh viau tho thin. Mizote hian a tak (a bul) hi chhün chaw atan leh chawhmeh atan kan hmang tang tangkai hle a, a hnah leh a hrui (kung) hi vawk chaw, sazupui chawahte kan hmang tangkai hle bawk.

CHAWTHA A KENTE
Kãwlbahra hian chaw tha tam tak a keng a, vitamin A; B1, 2, 3, 6, 9, C, E leh carbohydrate, iron, calcium, magnesium, manganes, fiber, potasium, sodium, sugar, phosphorus, folate, protein, fat leh energy-te a ken tam ēm avangin hriselna atan a tha hle. Hetiang taka tha a nih avang hian a couple thatna hrang hrang hetiang hian tar lang ila:

ZUNTHLUM TAN
Insawithaih nan "thil bulbal lam chi reng reng zunthlum tan a tha lo" kan ti thin. Kãwlbahra pawh hi alute ang bawka leia inphum a ni nain magnesium a pai tam a, glycemic index a hniam bawk a,hei hian insulin a pui tha a, chuvangin, zunthlum avanga tãmchhãwl lo awm thinte ven nan leh chauhna lo thleng tur ven nan zun thlum nei tan ei fo a tha

PUM DAMDAWI
Kãwlbahraah hian fiber leh antioxidant a awm that avangin natna hrik tam tak doletin taksa a tichak a, chaw pai tawih a tinuam a, pum nuam lo awm thei lakah mi a veng tha a, chaw ei khama ei hian pumna tur a veng thei..


CANCER DOLETTU
Kãwlbahraah hian antioxidants chikhat anthocyanins a awm avangin cancer cell lo dollettu atan a tangkai hle a, test tube research atanga hmuh a nih danin heng phing, ril, pumpui leh hnute cancer cell lo dolettu atan hian a tangkai hke tih hriat a ni. Chuvangin, cancer vei mekte'n kawlbahra ei thin se, a senduk (purple) chi hi tha bik deuha ngaih a ni nghe nghe.

MIT FIAHNA
Kãwlbahraah hian mit tana tha vitamin 'A'
leh beta-carotene, anthocyanins, antioxidants-te a awm that avangin heng hian mit a tanpui tha a, khaw hmuh fiah lohte siamthain mit a tifiah tharleh thei a ni.
.
THLUAK CHAKNA
Kãwlbahra hian anthocyanin a ken tam avangiin thluak chak nan leh thluak hrisel nante a tangkai hle a, chuvangin, kãwlbahra hi ei fo a tha hle.

NATNA DOTU
Kãwlbahra eng leh varah hian beta-carotene a awm that avangin hei hian vitamin 'A' a siam tha a chu chuan natna dolettu immune system a thuam chak a, hrilēng laka him nan a tangkai hle.

LUNG DAMDAWI
Lungbam harsatna (cardiac problem) nei tan kãwlbahra hian fibers, anthocyanin, polyphenols a keng tam a, hei hian lung lama harsatna nei a pui tha hle a, lung hriselna a thlen thin.

VUN LEH SAM TAN
Vitamin 'A' & "E' a tam avangin sam tla tur, tuak tur vengin sam a tithaa vun hriselna a thlen thei bawk.

THISEN SÃNG TAN
Kãwlbahraah hian magnesium & potassium a tam avangin thisen kal vel a siam tha a, chuvangin, thisem sang nei tan ei fo theih a tha hle.

NAU PAI NAN
Vitamin 'A' leh Iron a tam avangin hmeichhe nau pai thei lo tan chithlah kawng thuah a tangkai hle a, naupai lai pawhin ei thin se iron folic acid tha a ni thei.

A TLANGKAWMNA
Kãwlbahra hi chihrang hrang a awm a, a senduk, a var leh a eng deuh te, a lian chi leh sei chi,mum chi thlengin a awm a, zãwngturte nen pawh hian an that dan inang khata ngaih a ni.

A zung/bul mai ni lovin a hnah hi a tangkai êm êm a thisen sãng leh zunthlum damdawi atan pawh tha hlea ngaih a ni. A chhan chu a hnahah hian heng fiber, fatty acids. protein, minerals Vitamin B, Beta carotene, Lutein, antioxidants polyphenols, antioxidants-te hi a awm avangin vawk chãw leh sazupui chãw atan chauh hmang lovin soup, salad leh bai, kan, chhum hãnte pawhin ei thin ila damdawi a ni nghal zel mai dawn a lo ni e.

No comments:

Post a Comment

Post Bottom Ad