OFFICE OF THE0 PRINCIPAL DIRECTOR HEALTH & FAMILY WELFARE DEPARTMENT
............................
MASS EDUCATION AND MEDIA SECTION
(PRESS HANDOUT)
DATED AIZAWL
The 23rd January, 2020
CORONA VIRUS CHUNGCHANGA HEALTH DEPARTMENT THUCHHUAH
Vawiin Dt 23. 1. 2020 khan tunlaia China leh khawvel hmun danga natna lengmek Corona virus natna chungchangah Health & Family Welfare Department-a Officers-te Principal Director, Health & Family Welfare Department Office-ah meeting ani a, hmalak dan turte leh tul dangte sawiho a ni.
He meeting hi Dr.F.Lallianhlira, Principal Director in a kaihruai a. Dr.Pachuau Lalmalsawma, Epidemiologist & State Nodal Officer, IDSP chuan meeting kalkhawmte hmaah Powerpoint Presentation hmangin Coronavirus chungchang hi chipchiar takin a tarlang a ni.
He natna hi tun dinhmunah chuan India ram leh Mizoram alo la lut ve lo nia ngaih a ni a, hemi chungchangah hian Sawrkarleh Department-in theih tawp a chhuah mek a, Central lam nen pawh inbe pawp rengina tul anga che turin Health & Family Welfare Department pawh a inring renga ni.
Tun tuma Coronavirus natna hi Ramsa atanga mihringten an kai thin natna chikhat a ni a, hritlang satliah atanga natna hlauhawmzawk, Middle East Respiratory Syndrome(MERS-CoV) leh Severe Acute Respiratory Syndrome (SARS-CoV) te a thlen thei a. Coronavirus natna hi chu tunhma in mihringah hmuh an la ni lo a ni.
Coronavirus natna hi 31st December 2019 khan China rama Wuhan City, Hubei province-ah hmuhchhuah a ni a, tun dinhmunah hi chuan China ram hmun hrang hrangah te bakah, Thailand, Taiwan,Japan, South Korea, Australia leh USA-ah te he natna veite hi hmuh chhuah an nitawh a, mi engemawzatin an thihpui tawh a ni.
Coronavirus natna lan chhuah dan tlangpuite chu thawk lam harsatna, khawsik, khuh, thaw chhamte leh a nat zual deuh chuan Pneumoniate, kal thalo leh thihna hial a thlen thei a ni.
Health & Family Welfare Department chuan mipuite chi-ai lo turin a chah a, amaherawhchu, he natna len nasatna ramtea bik takin China a Guangdong, Wuhan, Zhejiang, Shanghai, Beijing leh Tinjin Province-tehi tlawh rih lo turin mipuite a ngen a ni.
He natna laka inven nan hian tui leh sahbawn emaw alcohol based hand washing ang chi a kut sil ngunte, khuh leh hahchhiau laia hnar leh hmai rawmawla hup te, sa leh artui hmin taka chum chauh ei te, mi a vei ni a rinhlelhte bula awm hnaih lohte leh ran leh ramsa hnaih loh te hi a pawimawh hle a ni.
Lalchhanchhuaha
Amtea Hauhnar
Projectionist
Media incharge
DHS/MEM
8974304288
Post a Comment