MIZO FILM CHHUAK THAR TUR GRACE

ToMZ
25 Jan 2020, Saturday, January 25, 2020 IST
RSPI, DUHSAKI LEH CINDY TE CHANNA GRACE MARCH 2020 AH
GRACE Mizo FIlm
Mizo film chhuak thar tur GRACE tih chu kum khat dawn shooting leh in buatsaih nan hun an hman hnu in, March thla chawhma lam hian Release an tum ta.

Grace film hi mizo Kristian film niin shooting ngawrh tak a thla 3 vel neih a nih hnuah tunah Editing khawih mek ani.

He film thawnthu hi Lalfakawmi Fanai leh Zorema Khiangte te ziah a ni a, Pathian hnathawh mimal leh chhungkua in an thil lo tawn tawh ngei Testimony hrang hrang lakkhawm atang a ziah chhuah ani. Director Malsawma Fanai hi Mizo film hlawhtling tak Thingtlang Tlangval lo siam tawhtu kha a ni a, hun rei tak atang a a rilru a awm tawh GRACE kristian film an siam thei ta chu lawmawm a tih thu a sawi.

Mizo film chhuaktharHe film ah hian Thingtlang tlangval a a changtunu Rosangpuii Ralte a chang leh dawn a, ani bakah hian kan mizo zaithiam Lalduhsaki leh Cindy te an in lan bawk ang. Mipa lamah hian hmelthar Zorema Khiangte, Jonathana te kan hmu thung anga, a changtunu pa role pawimawh takah Malsawma (Malsawma Photography) hmel kan hmu bawk dawn ani.

Grace film ah hian hla 4 a awm leh dawn a, hla 3 te hi Pu C.Lalzarmawia hla niin pakhat hi lehlin a ni thung. He film in a tarlan tum ber chu, Pathian hi a awm a, Khawngaihna in hna a la thawk mek ani tih leh tawngtaina a Pathian au tàng táng tute hnenah Pathian hi a la in puang zel a, a hnathawh mak tak tak a la lan tir zel ani tih tarlanna film a ni. -Maveni Khiangte
Visitor's Voice

Click to Comment

No comments:

Mizo Nula Khal

+