Education minister Pu Lalchhandama Ralte chuan private leh lumpsum grant-a adhoc aided enkawl mek high school leh higher secondary school te dinhmun chungchang chu sorkarin a ngaihtuah mek, a ti.
Nimina Assembly session-a zawhna chhangin Pu Lalchhandama Ralte chuan Khawi school nge upgrade tur tih ruahmanna a la awm lo, a ti a. Tun dinhmunah higher secondary school zingah grant in aid pek 43 an awm a, a senior zingah West Phaileng HSS a tel a, he school hi upgrade tura beiseiawm pawlah a ngai, a ti a, primary school bakah sorkar school dang te pawh an zirlai neih dan te leh an dinhmun te enzui zel an ni a, tihtawp ngai te pawh a awm thei tho a ni a ti.
Pu Lalchhandama chuan Lampsum, grant in aid school te chu tun thla ni 5 khan pawisa pek an ni tawh, a ti a. Middle school tan Rs. nuai 469, high school tan Rs. nuai 1119, higher secondary tan Rs. nuai 272 te pek an ni a, Middle school pakhat tan Rs. nuai 2, high school pakhat tan Rs. nuai 2 leh sing 5, HSS pakhat tan Rs. nuai 3 pek a ni, a ti. ~AIR
Post a Comment