VAWIN NI LUNGCHHIAT THLAK
Lalbiakzuali(20)chuan Ni 11/March, 2020 a apasal neih mai tur chu, Ni 1/Feb 2020(Inrinni)zan khan nat lawkna pawh awm lovin a boral san.
Bzi chuan a pasal ni mai tur chu tum 3 ava call a, a ring ral thak thak a, a vawi 4 naah chuan hmeichhe pakhatin a lo la a, 'Tun mai khan inpa chu Civil Hospital-ah an kal pui" a lo ti a, chu chu zan Dar 8 chiah chiah a ni. A chhungte pawh hrilh hman lovin a hak lai nen a tlan chhuak a, "Civil Hospital ka thlen hmain vawi thum ka tlu" a ti. A khupte chu kan en sak a, a lo pilh khem phing pheng a, Hospital-a lo thlen chuan, Casualty stangin an lo zawn chhuak mek a, a pasal nimai tur ruang chu a bawh nawk nawk a, "A ni thei lo" a ti mawlh mawlh a, ruang chu car in phurh ani a, 'A hmaah va thu rawh' ka ti a, tap chungin "Ka duh lo, ka hmangaih hi ka kuah duh a ni" ti in, "Duhlai, nang ka neih theih nan tapchungin ka nu ka dil tih pawh ka hrilh che kha, min rem tih sak sauh sauhva ti nge min kal san leh si, eng tin nge awm se min tih" ? Ti a tah hla a chham mawlh mawlh chu Drivar nen mittui tla chungin kan ngaihthla reng a, Bzi hi kum 20 chauh ani a, a pasal tur hi kum 22 na hmang mek a ni.
Bzi te hi an inru hmasa a, a pa chuan "He mite hi an lo inhmangaih em a, an pahniha awm dun hi hmuh an nuam em mai a, inneih tir loh chi pawh an ni lo" tiin a thianpa bulah a sawi nghe nghe. Tichuan, Palaite nen an insawi fel hnuah, Monu tur chu thingtlang, an khuaah haw chhovin inneih inbuatsaih tura a han haw chhoh hnuah, mo kawrte thui tir turin Aizawlah a rawn cham lai ani a, mo kawrte pawhchu an thui zo vek tawh a, a mipa lam pawh, mo lawmna turin Vawk pum an lei fel vek tawh a, inneihni a hak tur Coat Suit pawh thui zo tawhin, inah a kawl dim diam tawh a ni.
He tia, thihna a lo thlen takah chuan, tun hnai athih dawn boruak thil nungchangte an han ngaihtuah let leh a, an pa tur hian, "Nang aia ka thih hmasak zawk chuan ka thlanah Rose par var i rawn dah anga, nang chuan min hmu lo mah la, kei chuan ka lo thlir reng dawn che a ni" tih thute lo sawiin, a boral hma lawk Ni 26/Feb pawh khan, whatsapp vedio call in an inbia a, a nupui tur chu khawhar hla a lo sak khum deuh reng, tih thu Bzi hian a sawi.
Bzi'n an pa nimai turin a hmangaih zia chu ti hian sawi leh a, "A lo leng hi, haw te hi a hreh thei em em a, Ka ngai em che ni; te hi min ti vawng vawng zel a, a haw turte hi, min mangtha hnuah a kal ta vang vang emaw ka tih hnute hian rawn let lehin kawngkharah vawi hnih khat chu min rawn mangtha nawn leh ngei ngei thin" a ti.
Chu tleirawl pahnih inhmangaih ten, hlim taka dam chhungni chhiar dun tum a, inneihna hun hlimawm tak hmang dun tura chhungkua pawh an inbuatsaih mup mup laiin, Ni sawm(10)chauhvi n min la dang ta tihah, a hmangaih mai tur chuan, baihvai leh khawhar taka hnuchhiahin, Ni 1 March 2020 zan Dar 8:00 khan, damchhungni a chhiar liam san ta a, Vawin Ni 3 March Thawhlehni hian, a pasal an tuamna puan chu pawm chungin lungleng leh khawhar taka hringnun chhiar turin an khua chu mittui nen a pan hne hne dawn ta a ni.
Pasal neih tum Bzi hian an pa boralni vawin 12th March 2020 Nilaini a lo thlen hian an pa thlanah, ''Mo kawr nen thla ka la duh e" a tih miau avangin, an khua atangin a rawn chhukthla a, kum tluanga apasal ni tura a thlan Malsawma thlanah, an inneih huna a best friend tur leh mopa thiante nen, mittui nen thla an la hota zawk a ni.
Post a Comment