Thuhma:-
UPA F LALLAWMANimin chu kan kohhran Upa Senior, Upa F. Lallawma (Bible ṭum 180 chhiar chhuak tawh)te in Inah ka lenglut a, ṭha takin min lo dawngsawng a chawhma chhung zawng thingpui in pahin kan titi a, a felin kawm a nuam hle mai a, a chanchin hi mi tamtak in kan hriat ka ring a, Hriathnu pawh ni se hriat nawn fo pawh hi a phuin ka hria a ni, tin, a chanchin hian min chó em avang hian up bo mai atan chuan ka ui tlat mai a, a ropuina erawh ka sawi suarûa vêk ang tih erawh ka hlau hlel lo ve, mahse a nih ang leh ka hriat phak chin kan thailang ve hrim hrim teh ang.

Upa F. Lallawma (Kum-92)hian Nupui fel tak Pi.C.Zoá¹­huami nen Inneiin a tu leh fa te nen tunah hian Chanmari ah hlim takin an khawsa mek a ni.Upa.F.Lallawma hi kan kohhran BCM CHANMARI VENGTHLANG LUNGLEI, CHANMARI, a kan kohhran Upa serior niin, kan kohhran ah chuan a upa ber dawt tu a ni a, a Upa ber Upa C.Chawngruma (kum-96)nen hian kum 4 in an inthlau a ni, tun thleng hian an damá¹­hat chuan an la inkhawm zat zat a ni, an fakawm takzet á¹­hin.

A Chanchin hmasa:-

Upa F. Lallawma Pa hi Upa Patunga niin, an hnam hming chu Fanai a ni. Kum 1928/March/10 ah a piang a, Theiriat, Darzô, Lûnglêng, Leite, ah te a lo awm tawh ṭhin. Thiamna lamah chuan B.A a ni. Eizawnna lam ah chuan, Soil Department ah thawkin H.A niin a pension thlengin a thawk a ni. Amah hi naupan lai a piangthar niin, Chhandam nih inhriatna hi kum 1963 ah a nei a ni. Kum 1974 khan BCM Chanmari ah rawngbawltu niin, kum 1985 ah Kohhran Upa atan thlantlin a ni. Kohhran ah hian a chanvo hi Asst Treasurera hi kum 11 chhung a thawk a, Sunday School Teacher hi kum 50 a thawk a, medal a dawng nghe nghe a ni. A Bible chang ngainat ber hi, Johana 3:16, niin, kristian hlabu a a ngainat chu-KHB NO- 143"ka thlarau tho la, hlimtakin" tih leh KHB NO- 202 "Kraws ah chuan thisen hlu a awm"tih hi a ni. Kohhran hmasawn nan a ṭul a tih ber pakhat chu;'Upa leh Rawngbawltu te piangthar dik tak ni vek se, kohhranin hma a sawn ang a ti a ni', a ṭha khawp mai.

Upa F. Lallawma hi tunah kum 92 mi niin April thla ah 93 a ni dawn a, a la chak ṭha hle mai a. Sunday ZÎng leh Zânah te hian min la Inkhawmpui zât zât a ni. A Nupui PiC. Zoṭhuami hian tiang nen a rawn chhawm phei a, a damṭhat phei chuan ṭhuthmunah pawh a la lâm dârh dârh reng mai a ni. Sawi hmaih hauh loh tur chu. A Nupui Pi C. Zoṭhuami hi a ni, a fakawm takzêt a, an Pa hi faitak leh nalh takin a cheithlap a, Biakin chhungah a kai lut a. Inkhawm ban ah a kai chhuak leh a, tin. Pi Zoṭhuami hi Pathian fakna hla Solfa leh Lengkhawm zai ah pawh ni se, Lam rêng mai a ni a. Zaipawl hlarem pawhin an bulah a lo ṭawiawma a lo lam mai ṭhin a, a fakawmin kan kohhran timawi tu Nupa duhawm tak an va ni teh lul em!

Upa F. Lallawma leh Bible:
Bible hi ama in sawi danin vawi 180 tehmeuh mai a chhiar chhuak tawh a. Ka hriarsual loh chuan Mizo zing ah chuan chhiarchhuak tam ber a nih hmel. Amah pawhin kei aia chhiar chhuak tam an awmlo a ti tlat. A chhiarchhuak tam a hriat pawh. Zalen Lalmawia khan ṭum 30 chu a chhiarchhuak a ti chauh mai. Ama sawi hi dik tur ah ngai ang. Hnam dang mi Bible chhiarchhuak tam a sawi chu, Brazil mi Mrs. Henrick Eva Miria- vawi-238 a chhiar chhuak a ti a ni. A Bible chhiar dan hi. In lamah chhiarin ṭhutthlenga ṭhuin a chhiar deuh ber a. Chhun lamah hian a chhiar deuhber bawk, a hunawl hi chu Bible chhiar nan a hmang a ni deuh ber mai. Office lamah hna tibuai khawpin ka chhiar ngailo a ti, hunawlah chuan office ah chuan ka chhiar tho ṭhin a ti, tin, Bible a chhiar theih nana hunawl pe tu a chhungte te chungah hian a lawm thiam hle bawk, a ni lah tak a, a chhungte hi sawihmaih chi an ni lo. Bible chhiar atchilh pakhat kha an kawl kha a nia. Hetiang zat chhiar tur chuan a chhungte supportna hi ropui tak a ni.Chhungkaw duhawm tak an ni hrim hrim a, mi inngaitlawm, ṭawng tamlo, mi pawisawi hlau êm êm mi an ni.

Amah hi Bible Society of India(BSI) ah hian, a thawhhlawk hle mai a, Chief Patron niin, BSI pawh hian chawimawina tamtak a hlan tawh a ni.


Entawntlak nun:
Hei hi a chanchin tlangpui a ni a, a nunah hian entawn tur tamtak a awmin ka hria, zûk leh hmuam ti ngailo a nihna te, Kohhran enkawltu nitur chuan mi piangthar a ni tur a ni tih a ngaihdan te hi a dik em em a. Amah pawh mi piangthar ṭha tak a ni reng a ni. Inkhawm a ngaipawimawh em em mai te hi a ngaisan awmin entawn tur ṭhatak a ni, tin, a taihmakna hi entawntlak tak a ni, Bible heti zat (180) chhiarchhuak tur hi chuan thatchhe tan chuan a tih a tih ve rual a ni lo ve, vawikhat chhiarchhuah pawh thil har tak mai a ni, a ni chu kumkhat chhung te hian vawi 4/5 te a chhiarchhuak ta mai ṭhin kha a nia, teirei peih mi nih a ngaingawt ang le, chuta a nuna thil chiang sa chu tihtawh lam chu ti tlat mai a nihna hi a ni, mi tumruh beidawng ve ngailo a ni tihna a nih chu. "I Bible chhiar lai hian engtin nge i awm ṭhin"?ti a ka zawhna chu,"Bible chu Pathian aw a ni a. Pathian hian a aw min hriattir a, ka hriatthiam loh te pawh hi chawplehchilhin a hrilfiahna hi ka dawng ṭhin a ti". A ropui ṭhin ngawt ang, Bible hi a bung leh chang hi a sawithei deuh vek tawh mai. Tunhnaiah a mit a chian tawh loh avangin a Bible ngainat em em chu chhiar zawm ṭha thei tawh lovin vawi 180 hi Pathianin tawk a ti nih ah a ngai ve ta deuh a ni.

Hetiang mi ropui UPA F. LALLAWMA kan kohhran BCM. CVT. Lli in kan nei hi a lawmawm em em a, kan chhûang êm êm a, kan ngaihlu takzêt a, kohhran min tiphuisui a. Amah vang hian kan kohhran hian malsawmna tâmtâk kan dawn phah a ni. A damkhua Lalpan tiseiin hriselna ṭhatak nen kohhran te min la ûap zel se tih hi kan kohhran ṭawngṭaina pawh a ni.

Lapan malsawmin hruai zel rawh se.

Thubelh: Upa F. Lallawma hian á¹­hangthar te min cho hle mai a, mahni in enfiah nan hmang á¹­heuh i la, Pathianin aw kan hriat duh chuan Bible hi kan chhiar á¹­hin tur a ni, tunlaiin mi á¹­henkhat chuan Pathianthuin a ti, tih nilovin ka rilru ah a lang. Ka mumang ah chuan, Chumi chuan a sawi a, tih mai mai tuipui hian Nutling, Patling hi nileng leh zankhaw tairek thleng thlengin zu in kawm peih a!!mak deuh a ni. Pathian thu nilo hi chu i mausam ngam ang u, tiin kan insawm a ni e.

Sam 119:105 I thu hi ka ke atânte hian khawnvar a ni a. Ka kawng atân eng a ni.

@Mamuana Leo Ralte

Post a Comment

Powered by Blogger.