Mizo Hla phuahtu
Mizo hlaah hian Zo hnahthlak hnam/chi peng hrang hrangte ṭawng ṭhahnem tak kan seng lutin kan hla thu timawitu leh tiriltu ber ber pawh an ni hlawm a. Heng hla thu (poetic term)-a kan hman, tawng tuallenga kan hman si lohte hi a ṭawng neitute erawh chuan tun thleng hian an tawng tuallengah an la hmang nung reng a. Hriatna tizautuah a lar zual deuhte chauh i lo tarlang den den teh ang.

SUANG : ‘Suang lungpui’ tia hla thua kan hman ṭhin ‘Suang’ tih hi Teddim tawng aṭanga kan seng luh a ni a. Hlaah hman ni ve bawk hin mah se, hman ṭul hun erawh a tam lem lo hle.

NUAM : Teddim ṭawnga duh/châk tihna hi a awmze pangngai thovin hla thuah kan lo hmang ve ṭhin a. Huan (garden) tih angin kan thluk teh mawlh thin a, Ruam (valley) tih anga thluk hi thluk dan dik chu a ni.


RAWN : Râwn tih hi Falam ṭawnga hmun/ram tihna a ni a. Mizote chuan hla thuah Kawl tih nena inkawpin Kawlrawn tiin kan hmang ṭhin.

RAWL : Pawiin ‘tleirâwl’ tiha ‘Rawl’ anga an thluk ṭhin hi keinin Rawl (aw) anga thluk sangin hla thuah kan hmang ṭhin a. A awmzia erawh ‘Chaw’ tihna ve ve tho a ni.

HNIANG : Hla thua ṭha/duhawm/mawi sawi nana kan hman ṭhin Hniang (E,g. Bahsam sei hniang/Hrin hniang etc.) tih hi Halkha ṭawng aṭanga kan lak a ni a. Anni chuan Piang (born) kan thluk ang hian an thluk sang vâ thung ṭhin.

HNAM : Falam tawnga Nam tih chu Hnam tiin Chem sawi nan hlaah hman a ni ṭhin a. |awngah chuan Chem sawi nan Hnâm ti ngawtin kan hmang ngai lo va, chem sei sawi nan Kawlhnâm, Ngunhnâm tihte erawh chuan kan hmang ṭhin.

ṰUAN : Falam leh Halkha-in Hna thawk sawi nana an hman Ṱuan tih hi hla thuah ‘hna thawk/awm/khawsa’ tihna (E,g.ṭuanna tlang/\uan ṭulin adt,) sawi nan kan hmang a. ‘Suan (lead)’ tih angin kan thluk pir chho ṭhin.

PAU : Teddim ṭawng chuan Ṱawng (speak) tihna a niin ‘Chau (tire)’ tih angin an thluk zal dah ṭhin a. Mizote chuan ‘Hlau (fear)’ tih anga thlukin ‘Ṱawng/Ar khuang’ sawi nan (E,g.Bawar pau) kan hmang ṭhin.

PAR : Par tih hi Pawi ṭawnga ‘Chung (on/above)’ tihna a ni a. Tun hmaa kan hla hluiah khan hmuh tur a awm nual a, tunlaiah erawh a hmanna chi hla a tam tak loh avangin hman lar a ni ta vak lo. Runsang parah (parva/parchhuang adt.) tihte hi kan hmanna langsar deuhte chu a ni.

CHANG : Hei pawh hi Pawi tawng kan seng luh tho a ni a. Keini chuan ‘Chang (hard)’ angin kan thluk a, Pawi chuan ‘Vakul chang’ tiha Chang angin an thluk thung. A awmzia erawh a thuhmun reng a, ‘Ni’ tihna atan ‘Theih Chang se’ titea hman ṭhin a ni.

TUAH : Hla thua ‘Siam’ tih nana kan hman ṭhin hi Halkha/Falam ṭawng aṭanga kan lak a ni a. ‘Khuanu tuah/Khua tuah loh’ titen hlaah kan hmang ṭhin a. Falam leh Mizote chuan ‘Tuahthing’ tiha ‘Tuah’ tih anga zal taka kan thluk laiin Halkha erawh chuan, ‘A mu huah mai,’ tiha ‘Huah’ ang hian an thluk sang thung ṭhin.

HLUAN : Pawi ṭawng aṭanga kan lak, hla thua kan hman lar em em a ni a. ‘Hluan’ hi ‘Chuang’ tihna a ni a, ‘Hlei’ tih nena inkawpin ‘Hlei hluan’ ti pawhin hla thu-ah hman a ni bawk ṭhin a. ‘Hluan’ tih hi ‘Huan (garden)’ tih angin kan thluk zal dah ṭhin a ni. ‘Kei ka tan i mawi hluan/hleihluan e,’ titein hla thu-ah hman a ni ṭhin. ‘Thla hleinga zan, Thla hlei pai’ titein ‘Hlei’ tih hi ṭawngah kan hmang ve bawk ṭhin.

Hengte hi Zo hnathlak chi peng dangte ṭawng kan hlaa kan seng luh langsar zual deuhte chu a ni a. Hmanlaia kan hlado, thiam hla, bawh hlate phei kha chu Pawi ṭawng a ni vek zawk a. Hla lamah chauh ni lo ṭawng lamah pawh kan ṭawnga kan neih loh Zo hnahthlak chi peng hrang hrangte ṭawng lo seng luh zel hi kan ṭawng tihhauhsakna hnar ṭhate a nih bakah Zo hnahthlakte inpawh tawnna kawng ṭha tak a ni bawk awm e.


(Burma Mizo Zawlbuk, TAHAN, Mizo Qawmh Dik Zirna.)
Lam pi= (lai) hakha
Lam pui= Zanniat
Lamzin= laizo
Lam khung= ngawn
Suang hi chu Ngawn le Paite ho hian an hmang deuh
Nam hi Hakha(lai) , leh Laizo lam hian an hmang
Tuak hi chu Mizo lo ah chuan  Khualsim ho hian an hmang ve
Ngawn ho pawh in an hmang ve tho
Uh law ti in an hmang
Siam rawh u = tuah uh law
La kal ru = Ra uh law
Plural a kawh hmuh
Lo kal ru= Ra uh law. Zawk a ni ee.

T. Zorampela

Post a comment

Powered by Blogger.