EiruknaKohhran dang a ni ve em ka hre lo, ka hriatchian chin erawh SYNOD leh BCM ASSEMBLY Rorel Inkhawmpui a ni.

ROREL PALAI -
Kohhran Upa chin the thaw an ni a, khawpui leh thingtlang atangin Upa min tak tak an fuankhawm a, Registration tihna ah chuan TA/DA Form a awm nghal a, Fill-Up in Submit nghal a ni tlangpui thin. Chu chu Inrinni ah semchhuah a ni tlangpui bawk.

Rorel Palaite hi a tlangpuiin thingtlang lam pawh mahni lirthei hawlchhuak an thahnem tawh hle a, anmahni maiin an chuang ngailo. An rawngbawlpui Upa dang an phur a, an in thurual a, an thleng ho bawk thin. Heng Palaite, mi Motor a bet leh mahni Motor kengte hian Sumo Rate in an Bill thup thup ta thin a ni.

A TAM ZAWK MI LIRTHEI AH -
A tam zawk hian lirthei neite zar an zo a, an bet ve thin a, mahse TA chu SUMO Rate in an la tho a, an chuanna lirthei neitu tam zawk hian kalman an Free tho bawk si. Hei hi Eirukna/Dawtsawina chu a ni. Kohhran Upa, rei tak rawngbawl tawh, Kohhran Secretary leh a pawimawh kâwm chelh rengtu ten dawt hmanga Kohhran sum kan lachhuak duh fo hian mit a ti kham.


HETI HIAN -
Headquarters atanga heng Rorel palai te TA sem vak vak hi engnge a tulna ber ni ang? Tualchhung Kohhran Target sân phahna a ni bawk si. Synod leh Assembly ah hian Tualchhung Kohhran atanga aiawhna nei vekin an kal a, heng hi an aiawhna Committee hian tum sak ta mai se, Target a tlakhniam phah anga, thildik a lang fiah bawk ang.

Kohhran pakhat atangin Secretary leh Chairman kal dun ta se, Secretary in lirthei a keng a, Chairman a phur nghal a, Tualchhung Kohhran Committee in Meeting ah an kalna senso an rel ang a, Chairman tan chuan Secretary Motor ah ka bet dawn a, a ngai ve lo a ti ngei ngei ang. Mahse Headquarters anga sem chhuah a nih chuan a semtu leh a dawngtu in an ren tawh lova, dawt sawi mai pawh kan hreh si lo a ni.

IN ENFIAHNA -
Kan duh hunah dik ber, felfai ber ang maiin Sorkar kan sik hlawk hlawk a, cheng sanghnih khat lek pawh dawt hmanga la duh zel mai Upa leh Pastor kan kat ve nuk tho mai hi in enfiah kan ngaihna lai a ni. Rethei ber thlenga Lalpa tan ti a kan thawhkhawm, kan hlan thlap tawh sum a ni.

David Sailo
4th March, 2020

Post a Comment

Powered by Blogger.