Contact Form

Name

Email *

Message *

Iklan

LUNGDAR VC LEH NGO-TE THIL HRE CHIANG TAWK LO

ToMZ
2 Mar 2020, Monday, March 02, 2020 IST
POLICE-IN W LUNGDAR VC LEH NGO-TE THIL HRE CHIANG TAWK LOAH AN NGAI

Dt.2.3.2020: Mizoram Police chuan thuchhuah siamin, naupang rukbo nia thuthang chungchangah West Lungdar VC leh NGO-te chu thil hre chiang tawk loah an ngai.

Mizoram Police chuan West Lungdar VC leh NGO-te'n Home minister Lalchamliana’n Assembly House-a West Lungdar naupang rukbo tum chungchanga statement a siam rinthiam har an tih thu leh an hriatthiam mai loh an tarlan thu sawiin, "Home Minister statement dikhlel anga an sawi hi thil hriat chian loh vang niin a lang. W Lungdar-a thil thleng avang hian case pawh hmun hnihah ziah luh a ni a, investigation pawh ngawrh taka kalpui zel a ni," a ti.


Mizoram Police tarlan danin, naupang rukbo thuthang avanga kut tuar pathum zinga pakhat Rahul Choudhury (27) s/o Sunil Choudhury, Meerut District, UP leh a thiante pahnih - Phulkan leh Ahata (Ni 25.2.2020-a kut tuar zinga mi ni lo) hi Maruti Eco van AS 11/R - 5297 hmangin February 11, 2020 chhun dar 12:08 ah Vairengte police check gate-ah an lut a ni.

Kuttuar dang pahnih Raju (38) s/o Jamal Uddin, Meerut district, UP leh Suzi Hussain Mazumdar (21) s/o Sunohar Ali Mazumdar, Silchar, Assam te chuan ni  14.1.2020 ah bolero (dum) AS 11/D - 7533 hmangin chawhma dar 11:25 ah Vairengte checkgate an paltlang ve leh a ni.


Anniho hi ni 17.2.2020-ah Siaha bul Zero Point tourist lodge-ah inhmuin zan khat an riahho hnuah a tukah Lunglei-a highway restaurant-ah an riak leh a ni. Ni 19.2.2020 ah Hotel Leela, Ṭhuampui-ah riakin, a tuk ni 20.2.2020-ah Silchar lam panin an chhuak leh a ni. An kalna leh an riahna zawng zawngte chhuichhuah vek tawh niin an riahna hotel/lodge neitute pawh biak pawh vek an ni. 

Ni 20.2.2020-a Silchar lam pana an kal laia an motor chhia siamṭhat saktu leh lo mikhual a, chaw lo eitirtu pawh biak pawh a, finfiah vek a ni. Ni 24.2.2020 khan Rahul, Raju leh Siju te hi Silchar aṭangin Mizoram an lo lut leh a, Vairengte Police checkgate-ah chawhma dar 11:27 ah an in-report a, temporary ILP pawh la nghalin, tlai dar 4:45 ah Hotel Leela, Ṭhuampui, Aizawl an lo thleng leh a ni.
@Vanglaini
Visitor's Voice

Click to Comment

No comments:

Mizo Nula Khal

+