HMAI TUAMNA (FACE MASK) HMAN CHUNGCHANGA THURAWN PAWIMAWH

Health  &  family Welfare  Department  chuan  a  hnuai  ami  ang  hian  hmai  tuamna (face  mask)  hman  chungchanga  mipuite  hriattur  thuchhuah  an  siam a, COVID-19  hi khawvel ram 212-ah a darh tawh a, India ram chhungah  pawh mi 11061 chuangin an vei tawh a, mi 377 in nunna an chan tawh. 

Hman danMizoram chhungah ngei pawh 1 in a vei tawh a, vanneihthlak  takin  nunna  chan kan la awm lo. COVID-19 hi natna thar a nih avangin a invenna leh inenkawlna chungchangah  zirchianna thar  a awm zel a. 

Centre for Disease Control, USA chuan mi zawng zawng tan Facemask hman hi COVID-19 laka him theihna tur leh hriselna atan a pawimawh a ni tiin a sawi a. Tin, zirchianna tam takah COVID-19  leh natna dang tam tam lakah Facemask hian a veng thei  tihchian a ni bawk.  

Chuvangin pawnchhuak reng reng chuan Facemask hmang zel turin Mizoram sorkar chuan ngen a ni.  Facemask hi mahni mai piah  lamah kan bula  mite him  nan a pawimawh hle. Facemask hi chi hrang hrang a awm a:  N-95, Respirator leh Surgical mask te hi chu damdawi lam thiamte hman bik tur a ni a. Mi tu pawh khawlai chhuak te chu mask vuah vek tura beisei  leh ngen kan nia, Mask te hi company siam kher  vuah a ngai lova, ramchhung / khawtual a insiam chawp ve mai theih a ni a. In lama facemask siam chuan a hnuai a mi hi hriat tel nise: 

1. Facemask hi mipakhat tan 2 siam theih nise. Pakhat sukfai lai a a dang hman tur a awm nan. 
2. Facemask siam dawn hian a puan kan hman tur hi fai tak a suk tur a ni. Tui so ah 5 minutes tal chiah tur a ni a.  Tuiso a chiah  lai hian CHI (Salt) thlak tel a tha.  Facemask siam hian ka leh hnar tha takin a khuh thei tur a ni. 
3. Facemask hi a letling (pawn lam chhung lamah) a, hman miah loh tur a ni. 
4. Facemask hman dawn hian kut fai taka sil tur a ni. 
5. Facemask hi a huh emaw a hnawng emaw a nih chuan a dang hman vat tura ni. 
6. Vawi 1 hman hnu ah suk fai zel tur a ni 
7. Midang nen in hman tawm loh tur a ni. Homemade facemask tihfai dan 
8. Insuk sahbawn leh tui hmangin fai taka su in, nisa ah darkar 5 tal pho tur a ni. 
9. Ni sa a pho-na tur a awm loh chuan - Pressure cooker  ah facemask  chu tui nen dahin 10 minute tal chhum tur a ni. A tui ah hian chi  (salt) telh a tha bawk. 
10. Pressure cooker a awm loh chuan tui so ah 15 minute chhum theih a ni  bawk.    
11. A chung a mi te hi kan ti theilo a nih chuan, Sahbawn-in fai tak a su in Istiri (Iron) in 5 minute nawh tur a ni.

Social distancing chungchanga mipuite hnena thurawn 

Health & Family Welfare Department chuan a hnuai ami ang hian ‘Social Distancing’ chungchanga mipuite hriattur thurawn pawimawh an tichhuak. COVID-19 hrileng mek hi vawiin April ni 15, 2020 tlai dar 4:00 thleng hian khawvel ram 212 ah darh tawhin,  India ramah mi 11061 in an kai tawh a,  mi 377 in an thihpui  tawh a ni.  He hripui leng mek darh zel tur hi tiziaawm tur leh  timuang tur hian mitinin tih tur pawimawh hrang hrang kan nei a,  chung zinga pawimawh  deuh  chu ‘Social Distancing’ hi a ni. 

• Bazar thil leina ah, damdawi dawrah, damdawiinah te, gas lakna leh bill pekna-ah te midangte nen metre khat tala inhlat a intlarin, dawhthei tak leh fel fai taka nghah thin tur a ni.  A chunga tarlante khi kan tih zawhah, kan haw kawngah pawh metre khat tala inhlatin kan kal tur a ni. 
• Damdawi leh mamawh dang te lam tura chhuahfo ngailo turin inhmakhua tur a ni. 
• In kuah leh in chibaite tih loh tawp tur a ni. 
• Puipunna lam thil reng reng buatsaih loh tur a ni a, Vantlang punkhawmna-ah tel loh a him ber. 
• Mi inah len loh tur a ni a, midang pawh leng ah sawm loh a tha. 
• COVID-19 darhzel tur venna kawnga mawhphurtute pawhin, kan hnathawhna hmun theuhah social  distancing hi  ngaihpawimawh tur a ni.