Contact Form

Name

Email *

Message *

Iklan

KHAWVELA THAWMHNAW BRAND MANTO TE (TOP 10)

ToMZ
16 Apr 2020, Thursday, April 16, 2020 IST
Mihringte hian ei tur kan mamaw ber a. A dawta chuan thawmhnaw hi a ni ngei ang. Silhfen azirin kan hmel lan dan a danglam thin a. Chuvangin, silh leh fen hi mihring nuna thil pawimawh, kan ngaihtha hau lo tur chu a ni. (Times of Mizoram (www.timesofmizoram.com) hi i lo tlawh leh dawn nia)


KHAWVELA THAWMHNAW BRAND MANTO TE (TOP 10)
Thawmhnaw Manto

10. ARMANI - Kum 1975 a din, Italy brand hi a dintu Georgia Armani hming chawia koh a ni. Armani hian a ma pula brand a siam hma hian, Fashion industry brand hrang hrang hnuaiah a lo thawk tawh a, tawnhriat a ngah hle. Khawvel hmun hrang hrangah dawr 2000 chuang lai an neih a, sub-brand pawh an nei nual bawk.

09. VERSACE - Kum 1978 a din niin, a neihtu Gianni Versace hming chawia koh a ni. Khawvel milar heng - Princess Dianna, Madonna, Michael Jackson, Jennifer Lopez le Elton John te an hmang nasa hle.

08. RALPH LAUREN - Army a zawm hnuah salesman a te tangin, kum 1971 khan a brand hi a din ta a ni. Tunah chuan khawvel hriata lar leh, fashion industry-a hming dai tawh lo tur a ni.

07. DIOR - He French brand hi Christian Dior in kum 1946 a a din a ni. A tir chuan hmeichhe thawmhnaw chauh an siam thin a. A hnuah, Baby Dior leh Dior Homme te chu naupang leh mipa puitling tan an siambeh leh a ni.

06. PRADA - He brand hi Mario Prada in 1913 a a din a ni. Italy kutchhuak tho a ni a, khawvel hmun hrang hrangah dawr 600 lai atangin kan thilsiam hi an pe chhuak mek.

05. CHANEL - Paris kutchhuak premium fashion brand zinga lar ber pawl Chanel hi a dintu Caco Chanel hminga koh a ni. Kum 1909 a din ni tawh in, milar zingah he brand hre lo an awm kher lovang.

04. HERMES - French-pa Thierry Hermes in 1837 lai daih khan a lo din tawh a. Leather bag, perfumes, jewellery, leh lifestyle accessories chi hrang hrang, milarte duhzawng an siam thiam kher mai. Bag pakhat Kermes Berkin an lilamna pawh USD 203,150 lai a tling.

03. LOUIS VUITTON - Company dangte ang bawkin a dintu hming chawia hriat ni ta, Louis Vuitton hi kum 1854 a din a ni. Rambung 50 chuangah a inzarphar tawh a, dawr 500 lai an nei bawk. Tunlai milar zingah Angelina Jolie, Sarah Jessica Parker, Kim Kardashian, leh milar dang tam takin an hmang nasa.  Bag pakhat man pawh USD 10,000 a tling, Sana (watch) pakhat phei chu USD 26,000 man a ni, to riap riap hle mai.

02. GUCCI - Italian brand lar tak, India ramah pawh kan lo hmelhriat ve hi Guccio Gucci in kum 1920 a a din a ni, India independent hma dai a nih chuh! Kum khat hnuah dawr hmasa ber an hawng a. Bag, apparel, pheikhawk le thil dang dang, mihausate duh ang chu an siam thiam kher mai. 

01. OSCAR DE LA RENTA - Kum 1960 bawr chho khan khawvel hriatah a rawn invawrh chhuak a. He fashion brand dawrtu hmasaber chu US First Lady Jacqueline Kennedy ngat a ni, an tifuh chiang kher mai. He brand hi wedding dress bikah chuan khawvelah anni aia chungnung an awm bik lo.

A dintu Óscar de la Renta hi October 20, 2014 khan kum 82 mi niin a lo boral tawh. An company website https://www.oscardelarenta.com a a lan dan chuan, India ramah dawr an la hawng lo a. Thenawm ram China, Thiland, Malaysia, North Korea leh South Korea  ah te dawr an hawng tawh. 


Visitor's Voice

Click to Comment

No comments:

Mizo Nula Khal

+